Varan “Real”da qalır

Varan “Real”da qalır
XƏBƏR 21 Noyabr 2020 / 17:26 717
-  A +

“Real”ın baş məşqçisi Zinəddin Zidan futbolçusu Rafael Varanın komandadan ayrılacağı haqda yayılan xəbərlərə münasibət bildirib.

Qol.az AS-a istinadən xəbər verir ki, 48 yaşlı mütəxəssis bu məlumatları təkzib edib:

“Varanı komandada saxlamaq istəyən tək mən deyiləm. O, klubun bir hissəsidir. Varan “Real”da oynadığı üçün çox şanslıyıq. O, komanda ilə çox şey qazandı. Mənim mövqeyim aydındır və birmənalıdır. Həmçinin  klubun mövqeyi ilə də uyğundur. Şayiələrin qarşısını ala bilmərik. İnsanlar yalnız Varandan yox, digər futbolçulardan da danışırlar”.

Qeyd edək ki, bundan əvvəl “Mançester Yunayted”in 27 yaşlı müdafiəçi ilə yaxından maraqlandığı bildirilmişdi. Fransalı oyunçunun “kral klubu” ilə müqaviləsinin müddəti isə 2022-ci ilin yayına qədərdir.

 

 

Daha çox


Son xəbərlər
25.11.20  19:02

Lukaku “Real”da?

25.11.20  15:54

Holanddan dubl - Video