19:57
Nazirlər Kabineti yanında Operativ Qərargahın iyun ayının 1-dən etibarən açıq məkanlarda idman yarışlarının keçirilməsinə icazə verməsindən sonra Azərbaycan Velosiped İdmanı Federasiyası (AzVİF) mövsümün ilk yarışını təşkil edib.
Qol.az xəbər verir ki, Dünya Velosiped Gününə həsr edilmiş trek üzrə Federasiya Kuboku yarışında U-15, U-17 və gənclər kateqoriyası üzrə 60-a yaxın idmançı mübarizə aparıb.
Karantin rejimi zamanı ev şəraitində məşq edən velosipedçilərin fiziki durumunu yoxlamaq məqsədilə keçirilən turnir fərdi ötüşmə sistemi üzrə təşkil olunub.
15 yaşadək qızların 333 metr məsafəyə yarışında 7 saylı Olimpiya Məktəbinin üzvü İradə Əbdürəhmanova, 666 metr məsafəyə mübarizədə Respublika Olimpiya Velosiped Məktəbinin yetirməsi Radha Şabanova 1-ci olub. Bu yaş kateqoriyasında oğlanlar arasında isə Respublika Olimpiya Velosiped Məktəbindən Tamerlan Vitovski hər 2 növdə fəxri kürsün ən yüksək pilləsinə qalxıb.
17 yaşadək oğlanlar arasında Respublika Olimpiya Velosiped Məktəbini təmsil edən Kamran Mirzəxanov həm 333, həm də 1 km məsafəyə ötüşmələrdə bütün rəqiblərini qabaqlayıb. 7 saylı Olimpiya Məktəbinin üzvləri Gülşən İsmayılova 333, Fatimə Əfqanzadə isə 1 km məsafəyə fərdi ötüşmədə çempionluq sevinci yaşayıb.
Gənc oğlanlar arasında “Neftçi” İdman Klubunun velosipedçisi Nofəl Nuriyev, gənc qızlar arasında isə Respublika Olimpiya Velosiped Məktəbindən Viktoriya Sidorenko həm 200 metr, həm də 1 km məsafəyə ötüşmələrdə hamıdan güclü olublar.
Qaliblər medal, diplom və qiymətli hədiyyələrlə təltif edilib. Yarış zamanı Nazirlər Kabineti yanında Operativ Qərargahın koronavirus pandemiyasına qarşı mübarizə çərçivəsində verdiyi bütün tapşırıq və tövsiyələrə əməl edilib.
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
