22:48
Azərbaycan çempionatının I divizionunun (əvvəl birinci dəstə adlanıb) tarixində 8 dəfə bir oyunda 12 və daha çox qol vurulub.
Qol.az PFL-in saytına istinadən xəbər verir ki, 1992-ci ildən təşkil olunan və bəzi mövsümlərdə keçirilməyən yarışın mütləq rekordu isə 2000/01 mövsümündə qeydə alınıb. OİK (indiki MOİK) Bakıda keçirilən görüşdə “Lokomotiv”i 13:4 hesabı ilə məğlub edib. 17 qolun vurulduğu bu matç təkcə aşağı dəstə deyil, ümumiyyətlə müstəqil Azərbaycan futbolunda peşəkar səviyyədəki yarışların (Premyer Liqa, kubok, Superkubok, I divizion, Əvəzedicilər) ən məhsuldar oyunudur. Ən böyükhesablı qələbə ilə “Metallurq”a məxsusdur. Sumqayıt təmsilçisi Göytəpənin eyniadlı komandasını 15 qolla məğlub edib. Elə bu nəticə də tək divizion deyil, Azərbaycan futbolunun rekordudur. “Metallurq” daha bir dəfə məhsuldar matçın iştirakçısı olmağı bacarıb. Bu, Ağdaş “Şirvan”ı ilə görüşə təsadüf edib – 13:1. Ən böyükhesablı səfər qələbəsi isə “Neftçala”nın aktivindədir. Bu komanda 2015/16 mövsümündə “Energetik”in qapısından 12 cavabsız top keçirib. Qeyd edək ki, I divizionda bir dəfə 17, bir dəfə 15, iki dəfə 14, bir dəfə 13, üç dəfə 12 qolun vurulduğu matç qeydə alınıb.
17 qol
2000/01 mövsümü. OİK (Bakı) – “Lokomotiv” (İmişli) – 13:4
15 qol
1993/94 mövsümü. “Metallurq” (Sumqayıt) – “Göytəpə” - 15:0
14 qol
1993/94 mövsümü. “Metallurq” (Sumqayıt) – “Şirvan” (Ağdaş) – 13:1
2016/17 mövsümü. “Səbail” (Bakı) – “Bakılı” – 11:3
13 qol
1994/95 mövsümü. “Kürmük” (Qax) – “Arzu” (Tərtər) – 11:2
12 qol
1993/94 mövsümü. “Şəfa” (Naftalan) – “Avey” (Ağstafa) – 2:10
1993/94 mövsümü. “Pambıqçı” (Zərdab) – “Turan-2” (Tovuz) – 3:9
2015/16 mövsümü. “Energetik” (Mingəçevir) – “Neftçala” – 0:12
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
