18:54
"Qəbələ"nin sabiq baş məşqçisi Roman Qriqorçukun həyat yoldaşı Alina Qriqorçuk Qol.az-a müsahibə verib. Ərinin "Astana"dan vaxtsız ayrılığının səbəbini açıqlayan ukraynalı xanım maraqlı fikirlər səsləndirib.
- Başlayaq həyat yoldaşınızın "Astana"dan gözlənilməz gedişindən. Hazırda Qazaxıstan klubunun baş məşqçisi kimdir: Roman Qriqorçuk, yoxsa Qriqori Babayan?
- Təbii ki, Roman. O, sadəcə qarşılıqlı razılıq əsasında şəxsi məsələlərlə bağlı komandanı tərk edib. Buna baxmayaraq, hazırda da "Astana"nın baş məşqçisi mənim ərimdir.
- İlk gündən bu ayrılığın səbəbləri haqda çox yazılır. Şəxsi məsələlər dedikdə konkret olaraq nəyi nəzərdə tutursunuz?
- Hər bir insanın özünə aid işləri, məsələləri olur. Məncə, indi bunu açıqlamağım düzgün olmaz.
- Siz şəxsi məsələ deyirsiniz, mətbuat isə başqa şey yazır. Qriqorçukun klub rəhbərliyi ilə aralarındakı fikir ayrılığına görə "Astana"nı tərk etdiyi iddia olunur...
- Normaldır. Çünki mətbuat sadəcə öz tapmacalarını və fərziyyələrini yazır.
- Bəs yaxşı, deyə bilərsinizmi, həyat yoldaşınız "Astana"dakı işinin başına nə vaxt qayıdacaq?
- Əlbəttə. Roman yeni mövsümün əvvəlində "Astana"ya qayıdacaq.
- Mövzunu dəyişək. Azərbaycan çempionatını, "Qəbələ"nin oyunlarını izləyirsiniz?
- Hə, ailəliklə "Qəbələ"nin oyunlarına baxırıq.
- Komanda Qriqorçukun gedişindən sonra qeyri-sabit çıxış edir...
- Düşünürəm ki, bu, müvəqqətidir. Çünki son oyunlarda yaxşı çıxış edirlər. İnanırıq ki, hər şey "Qəbələ" üçün uğurlu olacaq.
- "Astana" ilə məlum məsələdən sonra həyat yoldaşınız "Qəbələ"dən gedişinə təəssüflənmir?
- O, həyatda heç vaxt nəyəsə görə təəssüf hissi keçirmir.
- Bilirik ki, ailəliklə, xüsusilə də siz Bakını çox sevirsiniz. Maraqlıdır, əriniz "Qəbələ"dən ayrılmaq qərarına gələndə onu fikrindən döndərmək, Azərbaycandan getməmək üçün nəsə etdinizmi?
- Hə, həqiqətən Bakını çox sevirəm. İstefa vermək istədiyini biləndə bunun səbəbini ondan soruşdum. Amma Romanı da başa düşürəm. Bilirəm ki, məşqçi kimi daha böyük hədəflərə çatmaq vacibdir.
- Bakı üçün darıxırsınız?
- Bəli, həm Bakı, həm də Qəbələ üçün çox darıxıram. İnsanlarınız fərqli, qeyri-adidir. Mənim çox xoşuma gəlir. Bakının bənzərsizliyini, qədimliyini sevirəm. Bəlkə də bu şəhərdə minlərlə şəkilim var.
- Qriqorçuk "Qəbələ"dən ayrılarkən konkret səbəb açıqlamadı. Bəlkə siz deyəsiniz...
- Bu suala birmənalı cavab vermək çətindir. Hər bir klubun öz məqsədi və hədəfləri olmalıdır. Ən əsası isə odur ki, klubun hədəfləri ilə baş məşqçinin fikirləri üst-üstə düşsün. Ümid edirəm ki, biz nə vaxtsa yenidən Azərbaycana gələcəyik.
Elnur SALAHOV
Osimhen əməliyyat olundu
PSJ-dən Dembele qərarı
"Emin Mahmudov "Neftçi"nin məşqçisi ola bilər"
Liderin qalibiyyətindən - Video
Vernidub qələbələrin sirrini açıqladı
"Qarabağ"la oyunu potensial 3 xal fürsəti kimi görürəm"
Toral Bayramov öz qapısına elə bir qol vurdu ki… - Video
"Turan Tovuz" "Qarabağ"ı belə məğlub etdi - Video
"Vəziyyəti düzəltməyə çalışacağıq" - Qurban Qurbanov
Kurban Berdıyev "Qarabağ" üzərində qələbəni şərh etdi
“Qarabağ” azarkeşləri: “Bu azarkeşin haqqını verin!” - Video
Portuqaliya millisinin kapitanı kim olacaq?
İspaniyanın Millətlər Liqası üçün heyəti
"Neftçi" - "Kəpəz": Heyətlər
Yenə dünya çempionu oldular
Tuhel: “Millətlər Liqasında birinci olmalıyıq”
