“Futbolçulara “Qarabağ”ı xatırlatmalı olduğumu düşünmürəm” - Simeone

“Futbolçulara “Qarabağ”ı xatırlatmalı olduğumu düşünmürəm” -  Simeone
ÖLKƏ FUTBOLU 3 Oktyabr 2018 / 13:55 4066
-  A +

“Brügge” ilə oyun asan olmayacaq. Sabah futbolçularım onlara yalan danışmadığımı görəcəklər. Bizim yaxşı oyunçularımız ola bilər, amma rəqib də özünə inanan komandadır”.

Qol.az-ın İspaniya mətbuatına istinadən yaydığı xəbərə görə, bu sözləri “Atletiko”nun baş məşqçisi Dieqo Simeone Çempionlar Liqasının qrup mərhələsinin 2-ci turunun “Brügge” ilə ev oyunu öncəsi təşkil olunan mətbuat konfransında deyib. Bu gün keçiriləcək qarşılaşma ilə bağlı fikirlərini açıqlayan argentinalı mütəxəssis ötən mövsüm bu turnirdə “Qarabağ”la görüşlərdən də danışıb:

“Düşünmürəm ki, futbolçularımıza “Qarabağ”ı xatırlatmalıyıq. Çünki onlar necə oynamalı olduqlarını bilirlər. Monakoda öz oyunumuzu yaxşılaşdırdıq və ondan sonra irəliyə doğru gedirik. İdeal variantı tapmaq üçün bütün komanda ilə həm müdafiə olunmalı, həm də hücum etməliyik”.

Xatırladaq ki, “Atletiko” ötən mövsüm Çempionlar Liqasının qrup mərhələsinin “Qarabağ”la hər iki oyununda (Bakıda 0:0, Madriddə 1:1) vacib xallar itirib və turnirlə vidalaşıb.

Daha çox


Son xəbərlər
21.03.26  10:55

"Milan"Leaunu itirdi

topaz banner