“Niyə də “Arsenal”a qol vurmayım?” - Emeqara

“Niyə də “Arsenal”a qol vurmayım?” - Emeqara
ÖLKƏ FUTBOLU 26 Sentyabr 2018 / 22:37 3377
-  A +

“Çalışırıq ki, bütün oyunlarda qələbə qazanaq. Hüçümçu olduğum üçün vəzifəm qol vurmaqdır. Bunun üçün də əlimdən gələni edirəm. Bu oyun ötən turdakı “Qəbələ” ilə matçdan daha çətin keçdi. Qələbə qazandığımız üçün sevincliyəm”.

Qol.az-ın məlumatına görə, bu sözləri “Qarabağ”ın futbolçusu İnnosent Emeqara Topaz Premyer Liqanın 1-ci turundan təxirə salınmış “Zirə” ilə matçdan (3:2) sonra jurnalistlərə açıqlamasında deyib.

O, Avroliqanın qrup mərhələsinin “Arsenal”la oyununda qol vurmaq istədiyini söyləyib: “Arsenal”a qol vurmaq istəyərdim. Niyə də olmasın? Rəqibdən rəqibə motivasiyada fərq olur. “Arsenal”la oyunda daha yaxşı oynamağa məcburuq”.

29 yaşlı hücumçu Premyer Liqada əsas rəqib olaraq “Neftçi”ni gördüyünü bildirib: “Əsas rəqib olaraq “Neftçi”ni görürəm. Bizimlə eyni xala malikdirlər. Bizim təqvimimiz çətin olduğu, daha çox oyun keçirəcəyimiz üçün onlar bundan istifadə etməyə çalışacaqlar. Məncə, hələlik çempionluq uğrunda əsas rəqib “Qəbələ” yox, “Neftçi”dir”.

Daha çox


Son xəbərlər
21.03.26  10:55

"Milan"Leaunu itirdi

topaz banner