18:19
“Çempionat yeni başlayıb. İlk turda hər iki komanda qələbə qazanmışdı. Turun mərkəzi oyunu idi. Bilirdik ki, ağır görüş olacaq. Ona görə də matça yaxşı hazırlaşmışdıq”.
Qol.az-ın məlumatına görə, bu sözləri “Qəbələ”nin yarımmüdafiəçisi Təmkin Xəlilzadə Topaz Premyer Liqanın 2-ci turunda səfərdə “Neftçi”yə 1:2 hesabı ilə uduzduqları oyundan sonra jurnalistlərə açıqlamasında deyib. Qarşılaşma ilə bağlı fikirlərini açıqlayan futbolçu 55-ci dəqiqədən etibarən nəzarətin onların əlinə keçdiyini bildirib:
“Oyuna çox pis başladıq. İlk 15 dəqiqədə matça köklənə bilmədik. Amma ondan sonra hər şey qaydasına düşdü. Düzdür, öz səhvlərimizdən 2 top buraxdıq. Futbol da belə bir oyundur, səhvlər üzərində qurulub. Siz səhv edəndə rəqib qol vurur. Ancaq 55-ci dəqiqədən sonra “Neftçi”ni meydanda görmədim. Rəqibi təzyiq altında saxladıq. Təəssüf ki, 2-ci qolu vura bilmədik. Məğlub olsaq da, oyunun sonlarında yaxşı mübarizə apardıq. Növbəti matça hazırlaşacağıq”.
Təmkin ötən mövsümün sonunda “Qəbələ”ni “Neftçi”yə dəyişən Baqali Daboya qarşı oynamağın çətin olduğunu söyləyib: “Dabo ötən mövsüm çempionatın bombardiri olmuşdu. Azərbaycana gəlmiş ən güclü legionerlərdən biridir. Bilirdik ki, ona qarşı oynamaq çətin olacaq. Komanda yoldaşlarımız ona qarşı pis mübarizə aparmadı. Amma 1-2 epizodda ustalıq səviyyəsini göstərdi. Daboya qarşı xüsusi hazırlaşmamışdıq. Ümumiyyətlə, bizim heç bir komandaya, heç bir futbolçuya, baş məşqçiyə qarşı aqressiyamız olmur. 1-ci komandadan 8-ci komandaya kimi hamısına qarşı eyni cür hazırlaşırıq. Bu mövsüm hər oyunda bizi belə görəcəksiniz”.
"Liverpul" Salahı itirdi
Nəriman Axundzadə MLS-də debüt etdi
"Lion" heyətində çıxış etməyən oyunçu üçün cərimə ödəyəcək
Əllə oyun olsa da, hakim penalti təyin etmədi - Şəkil
Bundesliqa matçında 6 qol vuruldu, qalib bəlli olmadı
"Tottenhem" 5 penalti qaytaran qapıçıya göz dikdi
"Liverpul"dan 10 ildən sonrakı ilk antirekord
"Barselona" onunla sağollaşa bilər
"Turan Tovuz" "Qəbələ"ni belə məğlub etdi - Video
Ekitike sıradan çıxdı, milliyə qoşula bilməyəcək
"İddialı danışmaq üçün hələ çox tezdir" - Kurban Berdiyev
“Qarabağ”ın lehinə penalti verilməli idimi? - Video
“Turan Tovuz” “Qəbələ”yə qalib gəldi
Mahir Emreli keçmiş komandasına qarşı oynadı
