20:11
"Zirə"nin yeni transferi Pərdis Fərcad-Azad Qol.az-a müsahibə verib. Mövsümün sonunda "Keşlə"dən gözlənilməz gedişi haqda danışan İran əsilli hücumçu yeni komandasındakı hədəflərindən də danışıb.
- Əvvəlcə "Zirə"yə keçidinizlə bağlı təəssüratlarınızı bilmək istərdim...
- Çox şadam ki, “Zirə”yə keçdim. Yaxşı və stabil komandadır. Mənim üçün maraqlı olacaq. İlkin təəssüratlarım yaxşıdır. Özümü yaxşı tərəfdən göstərib, komandaya kömək etmək istəyirəm.
- Maraqlıdır, başqa təklifləriniz də var idi?
- Bəli, Azərbaycandan başqa klublar da mənimlə maraqlanırdı. Amma mən “Zirə”yə üstünlük verdim. Fikrimcə, ən yaxşı addımı atdım.
- "Keşlə"dən ayrılacağınızı çoxları gözləmirdi. Nə baş verdi? Klub sizi istəmədi, yoxsa siz qalmaqda maraqlı olmadınız?
- Bəli, klub məni istəmədi. Amma bunun hansı səbəbdən olduğunu bilmirəm. Düşünürəm ki, orada yaxşı çıxış etdim, qollar vurdum, komandaya xeyirim dəydi. Meza Kolli ilə oyunumuz çox yaxşı alınırdı. Oradan ayrılmaq mənim üçün də gözlənilməz oldu.
- Sabiq komandanız Avropa Liqası ilə birinci təsnifat mərhələsində vidalaşdı. Sizcə, "Keşlə" niyə "Baltsan"ı keçə bilmədi?
- “Keşlə”nin niyə mərhələ adlamadığını deyə bilmərəm. Çünki hazırda komandanın içində deyiləm və oradakı vəziyyətdən xəbərim yoxdur. Amma mərhələ keçə bilməməyinə həqiqətən çox təəssüfləndim. Onlara azarkeşlik edirdim. Futboldur, bəzən surpriz nəticələr olur.
- Sizdən sonra Yuri Maksimov da "Keşlə"də qalmadı, istefa verdi. Onun gedişini necə qarşıladınız?
- Mən artıq “Zirə”dəyəm və Maksimovun getməyi ilə bağlı heç nə deyə bilmərəm. Bu, “Keşlə”nin daxili işidir. Mənim nəsə deməyim düzgün deyil. Yəqin klub rəhbərliyi belə məsləhət bilib. Ona görə bu cür qərar verilib.
- Ukraynalı mütəxəssis komandadan gedəndən sonra saytımıza müsahibəsində "Keşlə"ni qeyri-ciddi klub adlandırıb. Siz bu barədə hansı fikirdəsiniz?
- Yenə deyirəm, mən artıq "Keşlə"nin futbolçusu deyiləm. Ona görə də bu haqda danışmaq istəmirəm.
Elnur SALAHOV
32 il sonra ilk dəfə...
Fərid Nəbiyev "İmişli"də
“Sabah”ın potensial rəqiblərinin oyununda kim qalib gəldi?
Dambrauskas: “Bizi çətin səfər gözləyir”
İsveçrə - Kolumbiya: Heyətlər
Argentina - Misir matçının ən yaxşısı seçildi
“Sabah” bizi yordu” - TNS-in baş məşqçisi
Messi iki rekorda imza atdı
Dünya Çempionatı 2026
Xəbərlər
Təqvim
Cədvəl