00:10
"Qəbələ"nin müdafiəçisi İlqar Qurbanov Qol.az-a müsahibə verib. Dünən Avropa Liqasının birinci təsnifat mərhələsinin ilk oyununda Lüksemburqun "Proqres" klubuna məğlubiyyəti şərh edən futbolçu turu keçə biləcəklərinə inandığını söyləyib.
- "Proqres"ə 0:2 hesablı məğlubiyyətin səbəbini nədə görürsünüz?
- Məğlub olacağımızı biz də gözləmirdik. Bəlkə də ilk oyun olduğu üçün belə alındı. Rəqibi tam olaraq tanımırdıq. İstədiyimiz oyunu nümayiş etdirə bilmədik. Amma ruhdan düşmək lazım deyil. Qarşıda hələ cavab matçı var.
- Rəqibin Lüksemburq təmsilçisi olması komandada hardasa arxayınlıq yaratmamışdı?
- Arxayınlıq yox, müəyyən həyəcan var idi. Mövsümün ilk oyununda bu cür şeylərin olması normaldır. Ancaq hələ heç nə itirilməyib. Növbəti mərhələyə adlamaq şansımız var.
- "Qəbələ" "Proqres"dən üstün oynasa da, hücumda son nöqtəni qoymaqda çətinlik çəkirdi. Sizcə, məğlubiyyətdə bu amilin də rolu oldumu?
- Bütün komponentlərdə rəqibdən hərtərəfli üstün oynadıq. Adi epizodlarda qapımızdan qollar buraxdıq. Bununla belə, komanda ruhdan düşmədi, sonadək mübarizə apardı. Düzdür, həlledici məqamlarda son zərbələr çatışmadı. Yenə deyirəm, hələ cavab oyunu var. Sona qədər inanmalıyıq.
- Necə düşünürsünüz, Baqali Dabonun gedişi özünü göstərdimi? Dünən "Neftçi"nin "Uypeşt"i məğlub etdiyi oyunda 2 qol vuraraq, komandasının qələbəsinə öz töhfəsini verdi...
- Əlbəttə, Dabo yaxşı hücumçudur. Komandamıza tam uyğunlaşmışdı. Ancaq məğlubiyyəti bununla əlaqələndirməzdim. Sadəcə, oyunumuz istədiyimiz kimi alınmadı. Məğlubiyyətə baxmayaraq, komandamız ümidini itirməyib. Hamımız "Proqres"i keçə biləcəyimizə inanırıq.
- Bəziləri düşünür ki, Roman Qriqorçuk olsaydı, "Qəbələ" "Proqres"i asanlıqla keçərdi. Siz hansı fikirdəsiniz?
- Yox, mən belə düşünmürəm. Şükür Allaha, yaxşı məşqçimiz var. Qələbə qazanmaq üçün əlimizdən gələni etdik. Ancaq oyunumuz alınmadı.
- Bir həftə sonra bu komanda ilə səfərdə cavab oyununa çıxacaqsınız. İlk oyundakı nəticəni də nəzərə alsaq, şansları necə dəyərləndirirsiniz?
- İlk oyundakı nəticənin təsadüfi olduğunu düşünürəm. Cavab oyununda da bunu sübut etməliyik. Məncə, şansımız var. Bu, hələ son deyil. Artıq "Proqres"i daha yaxşı tanıyırıq. Nəyə qadir olduğunu gördük. Səvlərimizi analiz edib. üzərində işləyəcəyik. İnanıram ki, səfərdə uğurlu nəticə qazanıb, turu keçmək olar. Sadəcə, ruhdan düşməməliyik.
- Yeni transferlər "Qəbələ"də ilk rəsmi oyunlarını keçirdilər. Onların çıxışı barədə nə deyə bilərsiniz?
- Onların çıxışına məşqçilər korpusu qiymət verməlidir. Bir oyuna görə hansı yeni futbolçunun oyununu müzakirə etmirlər. Nəzərə almaq lazımdır ki, onlar komandaya yenicə qoşulublar. Bu futbolçulara vaxt vermək lazımdır.
Elnur SALAHOV
Flikin "Barselona"sı Valverdenin rekorduna yaxınlaşır
Dörd gün ərzində iki qırmızı vərəqə aldı
"Real" futbolçularının milliyə çağırılmasına etiraz etdi
"Titullar meydanda qazanılır"
"Kristal Pelas"da Şon Dayç dövrü başlaya bilər
"Son oyunundan məmnun qalmadım, rotasiya etdik"
"Tottenhem"dən ağır məğlubiyyət
Səfər qadağası "Ayaks" azarkeşlərini dayandırmadı - Video
Nəriman ilk oyunundan paylaşım etdi - Şəkillər
Sonuncu pillədə yer alan klubda yeni baş məşqçi təyinatı
"Barselona" liderliyini möhkəmləndirdi
"Mançester Siti" final matçına itki ilə çıxacaq
Azərbaycan millisinin yekun heyəti açıqlandı
İrqçi təhqirlərə görə Premyer Liqa matçı dayandırıldı
"Barselona" futbolçularından sabiq ulduza ad günü jesti
Kökçünün komandası yenə uduzdu
Bakıya gələ bilməyən millinin baş məşqçisi istefa verdi
Tanınmış futbolçu karyerasını bitirdi
Emin Mahmudov Qurban Qurbanova çatdı
Mikels Nasimovun rekordunu təkrarladı
Mahir Emreli Miroslav Kloze ilə görüşdü - Şəkillər
Modriç "Top-5" liqalarında 2-ci oldu
665 gün sonra meydana qayıtdı
Yaxın Şərqdəki vəziyyətə görə Bakıya gələ bilməyəcəklər
Azərbaycan futzal millisinin heyəti açıqlandı
"Çelsi"nin böyük hesablı məğlubiyyəti - Video
Zamiq Əliyevin komandasından heç-heçə
Azərbaycanlı futbolçunun komandası 4 qolla qalib gəldi
"Liverpul" Salahı itirdi
“Bavariya” və “Borussiya”dan qələbə
Nəriman Axundzadə MLS-də debüt etdi
"Lion" heyətində çıxış etməyən oyunçu üçün cərimə ödəyəcək
Əllə oyun olsa da, hakim penalti təyin etmədi - Şəkil
Bundesliqa matçında 6 qol vuruldu, qalib bəlli olmadı
"Tottenhem" 5 penalti qaytaran qapıçıya göz dikdi
"Liverpul"dan 10 ildən sonrakı ilk antirekord
"Barselona" onunla sağollaşa bilər
"Turan Tovuz" "Qəbələ"ni belə məğlub etdi - Video
Ekitike sıradan çıxdı, milliyə qoşula bilməyəcək
"İddialı danışmaq üçün hələ çox tezdir" - Kurban Berdiyev
