20:26
Mövsümün sonunda “Səbail”dən ayrılan Vüqar Nadirov Qol.az-a müsahibə verib. Paytaxt təmsilçisindən gedişinin səbəbini açıqlayan təcrübəli futbolçu gələcək planlarından da danışıb.
- İlk sualım “Səbail”lə bağlı olacaq. Komandadan niyə getdin?
- Müqaviləm başa çatmışdı. Yeni sözləşmə təklif etdilər, amma ortaq məxrəcə gələ bilmədik. Buna görə də ayrıldım.
- Konkret olaraq, nədə razılaşa bilmədiniz?
- Səmimi deyəcəm, pul məsələsində anlaşa bilmədik. Əvvəlkindən daha az maaş təklif etdilər. Həmin məbləğə orada qala bilməzdim. Düşündüm ki, ən yaxşısı getməkdir.
- Bundan sonrakı planın nədir?
- Hələ ki, dincəlirəm. İstirahətdən sonra gələcəyim haqda fikirləşəcəm.
- Təkliflərin var?
- Hə, 2-3 təklif almışam. Amma hələ düşünürəm. Seçim etməyə tələsmirəm. Bəzi məsələlər var, onları götür-qoy etdikdən sonra son qərarımı verəcəm.
- Hansı klublardan təklif almısan? Yəqin ki, yerli komandalardır...
- Adlarını çəkə bilmərəm. Sadəcə, onu deyim ki, təklif göndərənlər yerli klublardır. Yaxın günlərdə hər şeyə aydınlıq gələcək. İddialı komandada oynamaq istəyirəm.
- Bəs iddialı komanda olmasa, nə edəcəksən?
- Hələ bilmirəm. Hazırda bu barədə düşünmürəm. Fikrim odur ki, yaxşı komandada çıxış edim.
Musiala əməliyyat olundu
Bundesliqa klubundan "Nyukasl"a keçdi
FİFA cəzasını təxirə saldı
“Şamaxı”dan növbəti transfer
İngiltərə millisində itki
"Qəbələ" yeni mövsüm hazırlıqlarına başladı - Şəkillər
Dünya Çempionatı 2026
Xəbərlər
Təqvim
Cədvəl