14:02
"Qarabağ"ın albaniyalı futbolçusu Ansi Aqolli ölkəsinin mətbuatına müsahibə verib.
Qol.az-ın məlumatına görə, 35 yaşlı müdafiəçi "Qarabağ" və Albaniya millisi haqda sualları cavablandırıb.
Müsahibəni ixtisarla təqdim edirik
- Yeni mövsüm, köhnə “Qarabağ” və köhnə Ansi. Yenə ölkə çempionatında lidersiniz. Hər halda narazı olmazsınız.
- Artıq neçə ildir ki, “Qarabağ” inkişaf edir. Dayanmadan işləməyin sayəsində addım-addım irəliləyirik. Komandamızın əsas devizi intizam və peşəkarlıqdır. Məqsədə çatmaq üçün hər gün fikrimizi cəmləməli, tər tökməliyik. Bütün bunlara əməl etdikdə nəticə özünü çox gözlətmir.
- Azərbaycan Premyer Liqasında yaranmış iki aylıq fasilə sizi arxayınlaşdıra bilər?
- Şübhəsiz ki, istirahət çox vacibdir. Dincəlmək üçün kifayət qədər vaxtım oldu. Bütün oyunlarda mümkün hər şeyi etmək arzusu sizi normal həyatdan məhrum edir və bütün diqqətinizi futbola yönəldirsiniz. Yüklənmədən sonra orqanizmə bərpa üçün vaxt vermək lazımdır. Çünki növbəti oyunda da eyni səviyyədə çıxış etmək lazımdır. Sıx qrafikli mövsüm ərzində rejimə əmək etmək vacibdir.
- Komandan hazırlığını Antalyada davam etdirir. Türkiyədə toplanışda olan albaniyalı futbolçulardan kimlərlə rastlaşmısınız?
- “Teuta” klubu qaldığımız oteldə məskunlaşıb. Şadam ki, Albaniya çempionatının əksər təmsilçiləri Antalyada toplanış keçirlər. Bu isə Superliqanın qalan hissəsinə müsbət təsirini göstərəcək.
- Albaniya çempionatının əvvəlki və hazırkı durumu arasında nə kimi fərq var? Futbolda doğru yoldayıq?
- Təxminən 13 ildir ki, əsas yığmanın formasını geyinirəm. Bundan əvvəl isə U-19 və U-21-də çıxış etmişəm. Bu illərdə millinin bir parçası olmuşam. Albaniya futbolunda böyük sıçrayış hiss etdim. Yaxşı nəticələr təsadüfən gəlmədi. İndi əcnəbilər yığmamıza və çempionatımıza fərqli yanaşırlar. Albaniya futbolu haqda xoş sözlər eşidəndə fəxr hissi keçirirəm. Bu, futbolumuzun düzgün yolda olduğunu göstərir.
- Karyeranızı bitirdikdən sonra məşqçi olmağı planlaşdırırsız, yoxsa özünüzü başqa rolda görürsüz? Albaniya Futbol Federasiyasında çalışmaq təklifi alsanız, qəbul edərsiniz?
- Hələ “Qarabağ”la müqaviləm var. Bütün diqqətimi komandama kömək etməyə yönəltmişəm. Həm Azərbaycan çempionatı, həm də Avropadakı hədəflərimizi nəzərdə tuturam. Gələcəkdə nə işlə məşğul olacağımla bağlı vaxtı çatanda rahat şəkildə qərar verə biləcəm. Təbii ki, yenə futbolun içində olacam.
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Zaqatala"dan qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
Türkiyə Kubokunda finalın vaxtı və yeri dəyişdi
"Neftçi" - "Qarabağ" oyununun hakimləri açıqlandı
“Qarabağ” portuqaliyalı futbolçu ilə maraqlanır
Fransa klubunda baş məşqçi ayrılığı
"Bayer"lə yeni müqavilə bağladı - Rəsmi
AFFA İntizam Komitəsinin qərarları
Noyer ÇL antirekordunu təkrarladı
AFFA-nın vitse-prezidenti "Nou Kamp"dakı oyuna təyinat aldı
FİFA futbola məcburi 1 yerli gənc oyunçu limiti gətirir
Azərbaycan millisi UEFA İnkişaf Turnirində iştirak edəcək
Kompani PSJ ilə oyun və şansları haqda
Keyn Cerrardın rekordunu qırdı
Azərbaycanı "Böyük Dəbilqə"də kimlər təmsil edəcək?
"Atletiko" - "Arsenal" oyununu yayımlayacaq kanallar
Hacı Əliyevin ad günündə kimlər var idi? - Video
