Azərbaycan çempionu “Araz” sabah futzal üzrə UEFA kubokunun əsas mərhələsində ilk oyununa çıxacaq.
Qol.az-ın məlumatına görə, Rumıniyada Bosniya və Herseqovinanın “Mostar” klubu ilə üz-üzə gələcək komandamızın kapitanı Rizvan Fərzəliyev Azərbaycan Futzal Federasiyasının rəsmi Feysbuk səhifəsinə müsahibə verib.
- Komanda oyuna hazırdımı?
- Əlbəttə, hazırdı. Artıq 2 gündü oyunların keçiriləcəyi Deva şəhərindəyik. Buna qədər hazırlığımızı Bakıda reallaşdırdıq, həm yoldaşlıq, həm də rəsmi oyunlar keçirməklə çatışmazlıqları müəyyənləşdirdik və aradan qaldırmağa çalışdıq. İstənilən halda, ilk oyun hər zaman çətin olur.
- “Mostar”ın oyununu izləmisizmi? Onlara qarşı necə oynayacağınızı müəyyənləşdirmisiz?
- Rəqibimiz mübarizəyə ilk mərhələdən başlasa da, güclü komandadı. Bosniya və Herseqovina millisinin 6 üzvü bu komandanın formasını geyinir. Eyni zamanda, Braziliyadan, Serbiyadan legionerləri var. Baş məşqçiləri isə braziliyalıdı. Baş məşqçimiz rəqibi analiz edib, necə oynayacağımızı da məşqdə çatdırıb. Təbii ki, qələbə ilə başlamaq vacibdi.
- Oyunöncəsi narahatlıq yaradan hansısa problem varmı?
- Elə bir ciddi problemimiz yoxdu. Komanda olaraq oyuna köklənmişik və ancaq matç haqda düşünürük.
- Heyətə yeni qoşulan futzalçılar ayrılanları layiqincə əvəzləyə biləcəklər?
- Komanda çox yaxşı vəziyyətdədi. Yeni dəvət edilən oyunçuların köməyi dəyəcək. Müqayisə aparmağın tərəfdarı deyiləm. Çünki heyətlə bağlı qərarları baş məşqçi verir. Onlar bu gün “Araz”ın heyətindədisə, deməli, baş məşqçinin etimadını qazanıblar.
- Rəqiblər arasında ən təhlükəli hansını hesab edirsiniz və nəyə görə?
- Hər bir rəqibə hörmətlə yanaşmaq lazımdı. Çünki bu mərhələyə zəif komanda vəsiqə qazanmır. Fərqləndirmək mütləqdisə, “Deva”nın adını qeyd edərdim. Çünki bu komandanın heyəti Rumıniya millisinin üzvlərindən fomalaşıb. Üstəlik, meydan sahibidilər.
Fatih Terim istefa verdi
Ramilin komandası da Superliqa şansını itirdi
“Sabah” Abşerondan 52 uşaq seçdi
"İmişli" autsayderlə bacarmadı - Video
Vüsalın komandası Superliqaya vəsiqə qazana bilmədi
"Şamaxı"nı lider edən vacib qələbə - Video
Məşhur sabiq futbolçu "Spartak"ın baş məşqçisi oldu
"Bizə çempionluq lazımdır" - Ramiz Məmmədov
"Sevilya"nın əfsanəsi mövsümün sonunda gedir
AFFA "Turan Tovuz"un şikayətini təmin etmədi
"Arsenal"ın yeni forması - Şəkillər
"Beşiktaş"da yeni müqavilə
Alleqri İtaliya qəzetinin direktoruna hücum etdi
Almaniya millisinin Avro-2024 üçün ilkin heyəti açıqlandı
Toni Kroos: “Bavariya”nın qəzəbinə haqq qazandırmaq olar”
İstanbul derbisinin hakimləri müəyyənləşdi
Hakimi təhqir edən futbolçuya ağır cəza verildi
Paytaxt klubunun Lunyovla maraqlandığı iddia edilir
Arda Güler futbolda yeni trend yaratdı
"Zirə" ilə oyunda “Neftçi” məğlubiyyətini unutdurmalıyıq"
1-ci liqanın mərkəzi oyunu FİFA referisinə tapşırıldı