AFFA topdaşıyan uşaqlara görə klubu cərimələdi

AFFA topdaşıyan uşaqlara görə klubu cərimələdi
XƏBƏR 19 Fevral 2019 / 13:39 2143
-  A +

Bu gün AFFA İntizam Komitəsinin (İK) iclası keçirilib.

Qol.az-ın qurumun rəsmi saytına istinadən yaydığı xəbərə görə, yığıncaqda aşağı dəstədə baş verən qayda pozuntularına hüquqi qiymət verib.

I divizionun XV turunun MOİK – “Turan Tovuz” MOİK – “Turan Tovuz” matçında xərək daşıyan uşaqlar olmadığına görə meydan sahibi klub 80 manat cərimə olunub.
 
I divizionun XV turunun “Ağsu” – “Şüvəlan” matçında “Ağsu” klubunun 4 futbolçusu sarı vərəqə ilə cəzalandığı üçün klub 80 manat cərimə olunub.

Oyunun 88-ci dəqiqəsində  “Şüvəlan”nın futbolçusu Kamran Əliyev  ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 20 manat cərimə olunub.

“Şüvəlan” matçın protokolunu vaxtında təqdim etmədiyinə görə 80 manat cərimə olunub.

 I divizionun XV turunun “Səbail-2” – “Sumqayıt-2” matçında “Səbail-2”nin 4, “Sumqayıt-2”nin 5 futbolçusu sarı vərəqə ilə cəzalandığı üçün hər iki klub 80 manat cərimə olunub.

“Sumqayıt-2”  oyunöncəsi iclasa 7 dəqiqə gecikdiyinə görə klub 80 manat cərimə olunub.

I divizionun XV turunun “Zaqatala” – “Sabah-2” matçının 79-cu dəqiqəsində “Sabah-2”ın futbolçusu Sultan Mustafayev ikinci sarı vərəqə alaraq meydandan kənarlaşdırılarkən hakimi təhqir etdiyinə görə 4 oyun cəzalanıb, klub 320 manat cərimə olunub.

Oyunun 89-cu dəqiqəsində “Zaqatala"nın futbolçusu Elvin Həsənov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 20 manat cərimə olunub.

I divizionun XV turunun “Neftçi-2” – “Kəpəz” matçında “Neftçi-2”nin 6 futbolçusu sarı vərəqə ilə cəzalandığı üçün klub 80 manat cərimə olunub.

Top daşıyan uşaqlar qapı arxasında toplarla artıq rəftar etdiklərinə görə meydan sahibi klub 80 manat cərimə olunub.


Son xəbərlər