13.06.19
Tale Heydərovun “Qəbələ”nin prezidenti vəzifəsindən gedişindən sonra klubda yaranmış qeyri-müəyyənlik hələ də davam edir. Heyətdə ciddi dəyişiklər edəcəyi gözlənilən bölgə klubunda artıq müqaviləsi başa çatan Cavid Hüseynov, Rauf Əliyev, Stiven Monroz, Elvin Camalov kimi təcrübəli futbolçularla yollar ayrılıb. Gedənlərin artacağı istisna olunmur. Mətbuatda “qırmızı-qaralar”ın növbəti mövsümdə elə də iddialı olmayacağı, daha çox öz akademiyasının yetirmələrinə güvənəcəyi haqda xəbərlər dolaşır. Bəs, “Qəbələ”nin taleyi necə olacaq? Klubun baş meneceri Zaur Əzizovla əlaqə saxlayıb, bu və digər suallarımıza aydınlıq gətirməyə çalışdıq.
-“Qəbələ”nin gələcəyi ilə bağlı rəhbərliklə görüş oldumu və orada hansı məsələlər müzakirə edilib? Ümumiyyətlə, klubun aqibəti necə olacaq? Qarşıdan avrokuboklar gəlir.
- Vəziyyətin nə yerdə olduğu təxminən bilinir. Bəlli bir büdcə çərçivəsində saxlaya bildiyimiz futbolçuları saxlamağa çalışacağıq. Saxlaya bilməyəcəklərimizi təşəkkür edib, yola salırıq. Aydın məsələdir ki, önümüzdəki mövsümdə daha çox akademiya yetirmələrinə, gənc oyunçulara üstünlük verəcəyik.
- Aparıcı futbolçular bir-bir komandadan ayrılır. Bundan sonra kimlərin gedəcəyi, kimlərin qalacağı bilinirmi?
- Söhbət legionerlərdən gedirsə, hazırda Volkovun komandada qalmaq məsələsi var. Müqaviləsi olanlara təkliflər edilir. Hələ ki, gözləyirik. Vaxtı çatanda qərar verəcəyik.
- Rauf Əliyevin də komandadan ayrıldığı barədə xəbər yayılıb...
- Raufun müqaviləsi başa çatıb, artıq bizim futbolçu deyil. Deyə bilmərəm, yenidən razılaşarsaq, qala bilər. Amma sağ olsun, gəldi, komandanın uğur qazanmasında çox böyük əziyyəti oldu. Bütün oyunçular xarakter göstərdilər. Bunu özləri üçün yox, sırf kluba görə etdilər. Biz də həmin anlar yaşadıq. Ona görə də hər birinə təşəkkür edirik. Məcburi də olsa, hamısı ilə çox yaxşı şəkildə ayrılırıq.
- Ceyms Adeniyinin müqaviləsi var. Onunla bağlı fikriniz necədir?
- Bəli, müqaviləsi davam edir. Sadəcə, təkliflər var, dəyərləndirəcəyik.
- Bəs, heyətə kənardan yeni futbolçular cəlb olunacaq?
- Əlbəttə. Yəqin ki, yeni legionerlər alınacaq.
- Təxminən neçə legioner almağı düşünürsünüz?
- Ehtiyacımız olduğu qədər. Komandada sırf azərbaycanlı uşaqlar yox, əcnəbi futbolçular da olacaq.
- Yeni mövsümdə əsas hədəfiniz nə olacaq?
- Ən yaxşı şəkildə mübarizə aparmağa çalışacağıq. Yola hər hansı avrokubok, çempionluq hədəfi ilə çıxmırıq. Büdcə yuxarı olsaydı da, Avroliqada işimiz asan olmayacaqdı. Bu, tək “Qəbələ”yə aid deyil. Bizdən futbolçu alan, avrokuboklarda çıxış edən digər yerli klubların da işi çətin olacaq. Bununla belə, yaxşı komanda qurub, ciddi hazırlaşacağıq.
- Deyilənlərə inansaq, akademiyada da müəyyən ixtisarlar olacaq...
- Xeyr, hər şey olduğu kimi qalacaq.
- Bir neçə gün öncə menecer Səbuhi Səfiyarlı “Qəbələ”dən ayrıldı. Başqa klub rəsmilərinin gedişi gözlənilirmi?
- Hələ ki, ancaq Səbuhi ayrılıb. Başqaları ilə bağlı nəsə olsa, xəbər tutacaqsınız. Bu gün üçün hamı yerindədir.
- Səbuhi Səfiyarlının yerinə yeni təyinat olacaq, yoxsa o vəzifə ləğv olunacaq?
- Səbuhinin yerini doldurmaq mümkün olmayacaq. Amma yəqin ki, Məhəmməd Əzizli onun işlərini görəcək.
- Komandanın yay hazırlıq planı müəyyənləşib?
- Komanda iyunun 17-də Qəbələdə bir araya gələcək. İki həftəlik hazırlıqdan sonra futbolçulara bir neçə günlük istirahət veriləcək. Daha sonra isə Türkiyə toplanışı olacaq. Yeni legionerlərin də məhz orada komandaya qoşulacağı gözlənilir.
- Neçə yoxlama oyunu nəzərdə tutulub və rəqiblər bilinirmi?
- Qəbələ toplanışında bir, Türkiyədə isə 3 yoxlama oyunu olacaq. Rəqiblər isə hələ bilinmir.
Elnur SALAHOV
_22.01.19.jpg)
"Milan" Avroliqadan imtina edir
Bir ailədən 4 nəfər – “Neftçi”nin rəqibi
"Milan"da yeni futbolçu
"Neftçi"nin kapitanı püşkü dəyərləndirdi
"Speranta” adi komanda deyil" - Roberto Bordin
Rəşad Sadıqov püşk haqda
Avroliqada birinci təsnifat mərhələsinin bütün cütlükləri
"Neftçi" və "Səbail"in rəqibi bilindi
Qurban Qurbanovdan ehtiyatlı açıqlama
ÇL-də birinci təsnifat mərhələsinin bütün cütlükləri
"Qarabağ"ın Çempionlar Liqasındakı rəqibi müəyyənləşdi
"Borussiya" baş məşqçisi ilə bağlı qərar verdi
Hakimlərimizin UEFA kateqoriyaları açıqlandı
"Sabah"dan dördüncü transfer
"Mançester Yunayted"dən Poqbaya fantastik təklif
Sarri rəhbərlikdən üç transfer istədi
Xames "Napoli" ilə anlaşdı
"Qarabağ" getdi
Platini həbs olundu
“Parni iz Baku”dan futbol sistemimizə tərs şapalaq – Video
İngilis hücumçu "Qalatasaray"dan 5 milyon istəyir
Çilidən yaponlara 4 cavabsız qol - Video
"İndi gurultulu bəyanatlar verməyəcəm" - Emin Mahmudov
"Real" "Mançester Yunayted"dən 55 milyon avro istəyir
"Barselona" Neymarla danışıqlar aparır
Nestanın yeni klubu bəlli oldu
"Yuventus"da ayrılıq
"Qəbələ" məşqlərə başladı
Beylin agentindən "Bavariya" açıqlaması
"Neftçi" və "Səbail"in 5 potensial rəqibi açıqlandı
"Çelsi" "Barselona" və "Atletiko"nun təklifini rədd etdi
"Qarabağ"ın potensial rəqibləri 5-ə düşdü
"Atletiko" 120 milyon avroya hücumçu alır
"Heç kim Neymarı PSJ-yə gəlməyə məcbur etməyib" - prezident
"Qrizmannla danışıq aparmırıq" - "Barselona"nın prezidenti
Totti "Roma"dan getdi - "Ölsəydim, daha yaxşı olardı"
"Hətta Tonqa millisi də Argentinanı udar" - Maradona
"Real" braziliyalı hücumçu aldı
Adeniyidən "Qəbələ" açıqlaması - Gedir, yoxsa qalır?
Poqbanın yerinə Koutinyo və Rakitiç
Essyen yenidən "Stemford Bric"də meydana çıxdı
Argentinalı futbolçu "Keşlə"də - rəsmi
