"Qarabağ" və "Neftçi"nin yubiley oyunu

"Qarabağ" və "Neftçi"nin yubiley oyunu
PREMYER LİQA 6 Avqust 2018 / 13:04 2827
-  A +

Bu həftə Topaz Premyer Liqasında 2018/19 mövsümünə start veriləcək.

Qol.az-ın Peşəkar Futbol Liqasının rəsmi saytına istinadən yaydığı xəbər görə, 27-ci dəfə təşkil olunan yarışın ilk turu bir debütlə əlamətdar olacaq. Birinci diviziondan Premyer Liqaya vəsiqə qazanan “Sabah” ilk dəfə Azərbaycan çempionatının yüksək dəstəsində mübarizə aparacaq. Debütant yarışın tarixinə 60-cı komanda kimi düşəcək. Bunadək keçirilən 26 turnirdə 59 klub mübarizə aparıb.

Premyer Liqanın digər 7 iştirakçısından ikisi isə bütün çempionatlara qatılıb. Bunlar ölkənin iki ən titullu klubu “Neftçi” və “Qarabağ”dı. Arxada qalan 26 çempionatda hərəyə 749 matç keçirən Bakı və Ağdam təmsilçisi ilk turda yubiley qeyd edəcək. Hər iki komanda ölkə çempionatlarında 750-ci matçına çıxacaq. “Neftçi” yubileyi “Sumqayıt”, “Qarabağ” isə “Zirə” ilə matçda qeyd edəcək.

 

Daha çox


Son xəbərlər