22:00
“1:8-dən sonra nə deyim?! Futboldur, hərdən belə hallar da olur”.
Bu sözləri Qol.az-ın Antalayaya ezam olunmuş müxbiri ilə söhbətində “Kəpəz”in yarımmüdafiəçisi Tural Rzayev deyib. Gənc futbolçu Polşanın “Yagelloniya” klubuna 1:8 hesabı ilə uduzduqları yoxlama oyunu haqda fikirlərini açıqlayıb:
“Oyundan əvvəl fiziki cəhətdən çox yüklənmişdik. Komandada yorğunluq var idi. Amma hər şeyi bununla bağlamaq olmaz. Rəqib çox sürətli oyun sərgilədi. Bizim oyunumuz isə alınmadı. İstənilən halda böyükhesablı məğlubiyyət aldıq. Buna görə utanıram. Heç kim istəməz bu şəkildə məğlub olsun”.
T. Rzayev ilk hissənin sonlarında rəqib futbolçularla aralarında baş verən əlbəyaxa davadan da danışıb: “Mən epizoda uzaq idim, görmədim. Amma uşaqlar dedi ki, davanı onlar başladıblar. Tərzindən də soruşdum. Dedi ki, yerə yıxılandan sonra rəqib futbolçu ona təpik vurub”.
Qeyd edək ki, “Kəpəz” – “Yagelloniya” oyununun 43-cü dəqiqəsində iki komandanın futbolçuları arasında əlbəyaxa dava düşüb. Hətta ehtiyatda oturan futbolçular da meydana daxil olaraq, davada iştirak ediblər.
"Qarabağ"da şok itki
Qurban Qurbanovdan möhtəşəm nəticəyə ilk şərh
“Qarabağ” - “Çelsi” matçının ən yaxşı futbolçusu o oldu
“Qarabağ”dan “Çelsi” ilə oyunda qələbə kimi heç-heçə
"Barselona"nın yeni transfer hədəfi
Kadi sıradan çıxdı
"Kimsə qalib gələcəyimizi desəydi, təəccüblənərdim"
