22:47
"Mançester Yunayted"in braziliyalı yarımmüdafiəçisi Kazemiro karyerasını Londonun "Arsenal" klubunda davam etdirə bilər.
QOL.az xəbər verir ki, "Topskills Sports" nəşrinin məlumatına görə, "topçular" mövsüm başa çatdıqdan sonra 34 yaşlı futbolçunu heyətinə qatmaq üçün artıq onun meneceri ilə əlaqə saxlayıblar.
Məlumata görə, Kazemiro "Arsenal"ın baş məşqçisi Mikel Artetanın şəxsən bəyəndiyi oyunçulardandır və mütəxəssis belə təcrübəli yarımmüdafiəçinin gəlişinin kluba böyük kuboklar qazanmağa kömək edəcəyinə inanır. Braziliyalı ulduzla həmçinin "Milan" və "Yuventus"un da maraqlandığı bildirilsə də, futbolçunun özü məhz "Arsenal"a keçməyə üstünlük verir.
Qeyd edək ki, cari mövsümdə braziliyalı futbolçu bütün turnirlərdə 28 matçda meydana çıxıb, 6 qol vurub və 2 məhsuldar ötürmə edib. Təcrübəli yarımmüdafiəçinin "Mançester Yunayted"lə müqaviləsi bu yay başa çatacaq.
Noyer sıradan çıxdı
“Real” sonda sevindi
PSJ öz meydanında uduzdu
MOİK-in qələbəsi - Video
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
"Səbail"in 4 qollu qələbəsi - Video
UFC yarışı yenidən Bakıya qayıdır
Volkan Demirelin yeni klubu
