Rio-2016 XXXI Yay Olimpiya Oyunlarının taekvondo yarışlarında Azərbaycan idmançılarının birinci mərhələdəki rəqibləri müəyyənləşib.
Qol.az-ın Azərtac-a istinadən yaydığı xəbərə görə, Azərbaycan taekvondoçuları yarışlara səkkizdəbir final mərhələsindən qoşulacaqlar.
Braziliyada tam heyətlə təmsil olunacaq komandamızda qadınların yarışında Avropa çempionatının gümüş medalçısı, birinci Avropa Oyunlarının bürünc mükafatçısı Patimat Abakarova (49 kq) serbiyalı Tiyana Boqdanoviç ilə üz-üzə gələcək. Avqustun 17-də keçiriləcək qarşılaşma saat 17:00-da başlayacaq.
Avqustun 19-da isə dayanq üzərinə iki taekvondoçumuz çıxacaq. Birinci Avropa Oyunlarının qalibi Milad Beiqi Harçeqani (80 kq) malili İsmael Koulibali ilə qarşılaşacaq. Bu döyüş saat 17:15-də start götürəcək.
Həmin gün qadınların yarışında mübarizəyə qoşulacaq birinci Avropa Oyunlarının gümüş mükafatçısı Fəridə Əzizova (67 kq) ilk döyüşündə ABŞ idmançısı Payqe Makferson ilə qarşılaşacaq. Görüş saat 18:30-da start götürəcək. Fəridə Əzizova Olimpiya Oyunlarında ölkəmizi ikinci dəfə təmsil edəcək.
Dünya və qitə çempionu, “Bakı-2015”in qalibi Radik İsayev (80 kiloqramdan yuxarı) isə avqustun 20-də qazaxıstanlı Ruslan Japarovu sınağa çəkəcək. Bu döyüş saat 19:45-da keçiriləcək.
Olimpiadada ölkəmiz ilk dəfə olaraq dörd idmançı - iki kişi və iki qadın taekvondoçu ilə təmsil ediləcək. Taekvondo üzrə Azərbaycan yığması birinci Avropa Oyunlarında, sonuncu dünya və Avropa çempionatlarında, dünya kuboku yarışlarında uğurla çıxış edib.
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq
"Difai Ağsu" - "Mingəçevir" oyununda 5 qol - Video
"Atletiko" Oblakı transferə çıxardı
"Difai Ağsu" və "Karvan"dan qələbə
Əvəzedicilər Liqasında 32-ci tur başa çatdı
ÇL-in oyunu bu kanallarda
Azərbaycanlı nümayəndə ilk dəfə Avropa çempionatında
"Qusar"ın səfər qələbəsi - Video
Tuhel: "Madriddə qələbə qazanmalıyıq"
Timo Verner üçün mövsüm başa çatdı
Del Boskeyə vəzifə verildi
Buffon 12 il əvvələ qayıtmaq istəyir
Qvardiola peşmandır
Təzimə layiq o ötürmə barədə danışdı
“Qarabağ”ı özlərinin “Qorxulu siyahısı”na saldılar
Məşhur qapıçı Avro-2024-də olmayacaq
FİFA referisi Zaqataladakı oyuna təyinat aldı
"Real"ın yeni ağsaqqalı!
"Bavariya" Ranqniklə danışıqları təsdiqlədi