Avropa çempionatlarının ən məhsuldar futbolçuları

Dünyanın məşhur idman portallarından olan "goal.com" saytı Avropa çempionatları tarixinin ən çox qol vuran futbolçularının siyahısını dərc edib.

Qol.az-ın məlumatına görə, siyahıda müxtəlif illərdə Avropa çempionatlarında çıxış etmiş 15 futbolçu yer alıb.

İlk pillədə Fransa millisinin canlı əfsanəsi Mişel Platini qərarlaşıb. O, 1984-cü ildə təşkil olunan turnirdə keçirdiyi 5 oyunda 9 qol vuraraq Avropa çempionatlarının ən məhsuldar futbolçusunu adını qazanıb. İngiltərə millisinin sabiq hücumçusu Alan Şirer 7 qolla ikinci, Hollandiya yığmasının keçmiş forvardı Rud van Nistelroy isə üçüncü olub.

Sabah isə növbəti Avropa çempionatının final mərhələsi start götürəcək. Fransada təşkil olunacaq turnir Portuqaliya yığmasının hücumçusu Kriştiano Ronaldo, İngiltərə millisinin forvardı Ueyn Runi və İsveçin ulduz futbolçusu Zlatan İbrahimoviç üçün xüsusi önəm daşıyacaq. Ronaldo və İbrahimoviç turnir ərzində 4, Runi isə 5 qol vuracağı təqdirdə Platinini geridə qoyacaq.

Siyahıda yer alan İspaniya millisinin hücumçusu Fernando Torresin də Platinini keçmək şansı ola bilərdi. Lakin "Atletiko"nun forvardı yığmasının "Avro-2016"da oynayacaq heyətinə çağırılmayıb.

1. Mişel Platini (Fransa) - 1984-cü il Avropa çempionatında keçirdiyi 5 oyunda 9 qol vurub.

2. Alan Şirer (İngiltərə) - 1992, 1996, 2000-ci illər Avropa çempionatında keçirdiyi 9 oyunda 7 qol vurub.

3. Rud van Nistelroy (Hollandiya) - 2004, 2008-ci illər Avropa çempionatında keçirdiyi 8 oyunda 6 qol vurub.

4. Patrik Klüyvert (Hollandiya) 1996, 2000-ci illər Avropa çempionatında keçirdiyi 9 oyunda 6 qol vurub.

5. Zlatan İbrahimoviç (İsveç) - 2004, 2008, 2012-ci illər Avropa çempionatında keçirdiyi 10 oyunda 6 qol vurub.

6. Tyeri Anri (Fransa) - 2000, 2004, 2008-ci illər Avropa çempionatında keçirdiyi 11 oyunda 6 qol vurub.

7. Kriştiano Ronaldo (Portuqaliya) - 2004, 2008, 2012-ci illər Avropa çempionatında keçirdiyi 14 oyunda 6 qol vurub.

8. Nuno Qomeş (Portuqaliya) - 2000, 2004, 2008-ci illər Avropa çempionatında keçirdiyi 14 oyunda 6 qol vurub.

9. Savo Miloşeviç (keçmiş Yuqoslaviya) - 2000-ci il Avropa çempionatında keçirdiyi 4 oyunda 5 qol vurub.

10. Ueyn Runi (İngiltərə) - 2004, 2012-ci illər Avropa çempionatında keçirdiyi 6 oyunda 5 qol vurub.

11. Marko van Basten (Hollandiya) - 1988, 1992-ci illər Avropa çempionatında keçirdiyi 9 oyunda 5 qol vurub.

12. Milan Baroş (Çexiya) - 2004, 2008, 2012-ci illər Avropa çempionatında keçirdiyi 11 oyunda 5 qol vurub.

13. Yurgen Klinsman (Almaniya) - 1988, 1992, 1996-cı illər Avropa çempionatında keçirdiyi 13 oyunda 5 qol vurub.

14. Fernando Torres (İspaniya) - 2004, 2008, 2012-ci illər Avropa çempionatında keçirdiyi 13 oyunda 5 qol vurub.

15. Zinəddin Zidan (Fransa) - 1996, 2000, 2004-cü illər Avropa çempionatında keçirdiyi 14 oyunda 5 qol vurub.