22:29
Yunanıstan Futbol Federasiyası FİFA-nın ciddi sanksiyası ilə üzləşə bilər.
Qol.az-ın Yunanıstan mətbuatına istinadən yaydığı xəbərə görə, hökumətin yerli futbol federasiyasının işinə müdaxiləsi dünyanın ali futbol qurumunun narazılığına səbəb olub. Məlumdur ki, beynəlxalq futbol təşkilatları dövlət qurumlarının yerli futbol federasiyaların işinə müdaxiləsini yolverilməz sayır.
Buna baxmayaraq, Yunanıstanın idman nazirinin müavini Stavros Kontonis bugünlərdə bir daha bəyan edib ki, ölkə kubokunun yarımçıq dayandırılan oyunları bu mövsüm bərpa olunmayacaq. Futbol federasiyası isə hökumətin bu qərarı ilə razı deyil.
Qeyd edək ki, martın 2-də ölkə kubokunun PAOK və “Olimpiakos”la keçirilən yarımfinal oyunu azarkeşlərin ixtişaş salması səbəbindən yarımçıq dayandırılıb. Dövlət qurumları hadisələrin yenidən təkrarlanacağından ehtiyatlanaraq kubok oyunlarının bu mövsüm sonadək oynanmasına icazə verməyib.
Yunanıstan mətbuatı yazır ki, əgər hökumət qərarını dəyişməsə, o halda ölkə klubları növbəti mövsüm avrokuboklardan, milli komanda isə DÇ-2018-in seçmə mərhələsindən kənarlaşdırlacaq.
“Real”da ciddi itki
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
