Qışın oğlan çağında manatı üzməyə göndərəndə belə olmalı idi. Yazıqda nə can vardı ki? Son vaxtlar onsuz da üzülüb əldən düşmüşdü, bir yandan da biz onu soyuqda güclə üzməyə göndərməklə lap sitəm elədik. Elə titrəyir, elə titrəyir adamın ürəyi kabab olur.
Dolların sinəsini qabağa verib gəzməsinin, manatımızın isə xəstə canı ilə əlləşə-əlləşə qalıb üzə bilməməsinin yəqin ki, xeyli səbəbləri var. İqtisadçılar, bu sahənin mütəxəssisləri geninə-boluna araşdırır, aradabir hələ söz davasına da çıxırlar. Vallah, bizim camaat da bir az əsəbi olub, adi bir sözdən əsəbiləşirlər. Ona görə mən bu müzakirələrdən uzaq qalmağa çalışıram. Pul yoxdusa, uzun-uzadı mübahisə etməyin, kiminləsə söz güləşdirməyin nə anlamı var?
Manatın soyuq havada üzməkdən xəstələnməyinin ən ağır zərbəsi bizim futbola dəydi. Dünyanın bir az düz vaxtında futbolumuzda babat pullar fır-fır fırlanırdı. Pul vardı, azarkeş marağı yox idi. İndi belə getsə, pul da olmayacaq, azarkeş marağı da. Deməli, futbolun özü də olmayacaq.
Klublarımız qış fasiləsinə yox, qış yuxusuna gediblər sanki. Çox yox, bir-iki il öncə qış fasiləsində səsi İspaniyadan, Avstriyadan gələn klublarımız indi heç bir addımlığımızdakı Türkiyədə hazırlıq keçməyə pul-para tapmırlar. Biri deyir hazırlıq üçün Yevlaxı seçmişik, o biri Şəmkiri nişan verir. Götürək elə bizim “Xəzər Lənkəran”ı. Adama nə qədər deyərlər, ay oğul, nə görmüsən bu Avstriyada-mavstriyada, Almaniyada-malmaniyada? Dövrələrarası toplanışı keçirmək istəyirsən, get Kürdəmirə, Zərdaba, Ağdaşın Ləki qəsəbəsinə.
Manatımız xəstəhal olandan sonra klublara pul ayıran insanların da futbola baxışında dəyişiklik olub. İndi hamı heyətdəki əcnəbi futbolçuya tərs-tərs baxır. Oturub gecə-gündüz yalvarırlar ki, nə olaydı, istirahət üçün öz evlərinə gedən legionerlər geri qayıtmayaydılar. Əcnəbi futbolçularına cadu yazdıranlar da var. Amma bilmirəm, cadunun təsiri olacaq, ya yox. Gərək fasilənin bitməsini gözləyək.
Hələ bu harasıdı? Məlum səbəbdən futbolumuza ayrılan pullar azaldığından, klublar aşağı diviziona düşmək üstündə savaşa çıxacaqlar. “Rəvan” deyəcək mən düşürəm, “Xəzər Lənkəran” sinəsini verəcək qabağa ki, dayan görüm, böyük var, kiçik var. Atalarımız da deyib ki, yol böyüyündü. Ona görə də “Rəvan”, sən hələ bir az gözlə, mən özüm gedirəm aşağı diviziona. AZAL “Sumqayıt”la dalaşacaq, “Sumqayıt” da dinc durmayıb AZAL-a savaş açacaq. Bir mərəkə düşəcək ki, gəl görəsən. Vallah, bizim klubların qəribədən də qəribə işləri var. Əvvəllər Avroliqaya getmək üstündə belə qızğın mübarizə aparsaydılar, elə camaat stadionlara gedib babat futbola baxardı...
Dekabrın soyuğunda üzməkdən xəstələnən manatın məzənnəsi aşağı düşdükcə futbolumuzun durumu da uçuruma doğru gedir. Belə getsə, futbolumuz yavaş-yavaş aradan çıxacaq. Qalacağıq pulsuz və futbolsuz..
Etibar CƏBRAYIOĞLU,
“Het-trik news” qəzeti
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol