14:13
Bu gün Bakı Apellyasiya Məhkəməsində həbsdə olan futbolçu Cavid Hüseynovun apellyasiya şikayətinə baxılıb.
C.Hüseynovun vəkili Adəm Məmmədovun APA-ya verdiyi məlumata görə, məhkəmə şikayəti təmin etməyib.
Xatırladaq ki, bir müddət əvvəl C. Hüseynovun vəkili Adəm Məmmədov onun barəsində seçilmiş həbs- qətimkan tədbirinin ev dustaqlığı ilə əvəz olunması barədə vəsatətlə Səbail rayon Məhkəməsinə müraciət edib. Lakin vəsatət təmin olunmayıb. Apellyasiya şikayəti həmin qərardan verilib.
Xatırladaq ki, avqustun 8-də jurnalist Rasim Əliyev Bayıl qəsəbəsi ərazisində bir qrup naməlum şəxs tərəfindən döyülərək çoxsaylı bədən xəsarətləri ilə Kliniki Tibbi Mərkəzə yerləşdirilib və avqustun 9-da orada vəfat edib. Rəsmi məlumata görə, müəyyən edilib ki, Cavid Hüseynov avqustun 6-da «Qəbələ» futbol klubunun heyətində Kipr Respublikasının «Apollon» futbol klubu ilə Bakı şəhərində keçirilən oyunda iştirakından sonra jurnalistlərin suallarını cavablandırarkən yol verdiyi hərəkətlərə görə şəxsi “Facebook” səhifəsində tənqidi fikirlər yazmış "Ann.tv"nin videoreportyoru Rasim Əliyevə zəng edərək ondan təkzib verməyi tələb edib. Bundan sonra C.Hüseynovun bibisi oğlu Elşən İsmayılov da R. Əliyevə zəng edərək təkzib verməsini tələb edib və bu zəmində aralarında mübahisə yaranıb.
Nəticədə Elşən İsmayılov R.Əliyevdən qisas almaq məqsədilə özünə yaxın olan Camal Məmmədov, Arif Əliyev, Kənan Mədətov və Samir Mustafayevlə birlikdə avqustun 8-də onunla görüşüb. Onlar R. Əliyevə əl və ayaq zərbələri ilə bədən xəsarətləri yetirərək hadisə yerindən qaçıblar. Həmin şəxslər Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkmiş şəxsin ölümünə səbəb olduqda ) maddəsi ilə təqsirli bilinib və barələrində həbs qətimkan tədbiri seçilib. İstintaqın hazırkı mərhələsində Cavid Hüseynovun bibisi oğlu E.İsmayılovun təşkilatçılığı ilə ağır cinayətin hazırlanmasını bilərək bu barədə xəbər verməməsi, cinayətin törədilməsindən sonra isə onun gizlədilməsinə yönələn hərəkətlərə yol verməsində əsaslı şübhələr olduğundan ona Cinayət Məcəlləsinin 307.1 (ağır cinayətin hazırlanmasını və ya törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələrində nəzərdə tutulan ittiham elan olunub və barəsində məhkəmənin qərarı ilə həbs-qətimkan tədbiri seçilib.
"Karvan"da yeni müqavilə
"Qarabağ" - “Şkendiya” oyununun biletləri satışa çıxarılır
Bir gündə iki müqavilə
"Şamaxı"dan 10-cu transfer
“Şkendiya" çox istəkli və bərk komandadır” - Qurban Qurbanov
"Barselona"dan 5 cavabsız qol - Video
"Qalatasaray"ın futbolçusu Fransa klubuna keçdi
“Qarabağ” Skopyedədir - Şəkillər
"Karvan" daha bir futbolçu ilə müqaviləni uzatdı
"Qəbələ" növbəti transferini açıqladı
2-ci Liqada komanda sayı və yeni format açıqlandı
"Bayer"də Patrik Şiklə yeni müqavilə
Çempionlar Liqası: pley-off mərhələsinin püşkü
"Arsenal"ın yeni formaları - Şəkillər
Makedoniyalı Muaremdən “Qarabağ” və “Şkendiya” açıqlaması
Ən gənc oyunçu “Qarabağ”da, ən yaşlı “Zirə”də oldu
Meydana ən çox legioner və yerli çıxaran Azərbaycan klubları
Tahir Gozel də “Qarabağ”la getdi
Qvardiola boşanır
"Sabah"ın rəqibindən qələbə
"Mançester Yunayted" "Everton"la heç-heçə etdi
