“Afinada qələbə qazanacağımıza inanırıq”

“Afinada qələbə qazanacağımıza inanırıq”
XƏBƏR 24 Avqust 2015 / 16:03 4400
-  A +

“Qəbələ”nin müdafiəçisi Məhəmməd Mirzəbəyovun müsahibəsi 

- “Kəpəz”lə oyunda 1:0 hesablı qələbə qazandınız. Görüşlə bağlı nə deyə bilərsən?

- Oyun asan alınmadı. “Qəbələ” üçün iki cəbhədə mübarizə aparmaq asan deyil. Ardıcıl oyunlar keçirməyimizə baxmayaraq, pis oynamadıq. Xüsusən də ikinci hisəsədə daha yaxşı oynadıq. Ilk yarıda hesabı açsaq da, əla çıxış etdiyimizi söyləmək olmaz.

- “Panatinaikos”la oyundan sonra “Kəpəz”lə üz-üzə gəldiniz. Bu görüşdə komandada yorğunluq hiss olunurdu?

- Ardıcıl matçlar keçirdiyimiz üçün istər-istəməz komandada yorğunluq olur. “Kəpəz”lə görüşün sonuna yaxın bu, hiss olunurdu. Amma nəyisə dəyişmək olmaz. Yoğrun olsaq da, bütün gücümüzü meydanda qoymalıyıq.

- Növbəti oyun “Panatinakos”a qarşıdır...

- “Panatinaikos”a qarşı keçirdiyimiz ilk oyundan sonra cavab görüşü barədə düşünmürdük. Həmin 90 dəqiqədən sonra yalnız “Kəpəz”lə matç barədə fikirləşirdik. “Kəpəz”i qoyub, Afinadakı oyunu düşünsəydik, düzgün olmazdı. Çempionat da bizim üçün çox vacibdir. Hər iki cəbhədə uğur qazanmaq istəyirik. “Kəpəz”lə görüş mühüm əhəmiyyət kəsb edirdi. Çox şadam ki, üç xal qazandıq. Artıq bundan sonra Afinadakı matçı düşünmək olar.

- Komanda avqustun 27-də keçiriləcək oyuna qədər tam hazır olacaq?

- Məncə hə. İnanıram ki, həmin görüşdə komanda 100 faiz hazır olacaq. Komanda olaraq hər şeyin yaxşı olacağına inanırıq.

- “Qəbələ” Afinada tarixinin ən vacib oyununa çıxacaq. Yunanıstandan sərfəli nəticə ilə qayıtmaq mümkün olacaq?

- Biz səfərdə qələbə qazanacağmıza inanırıq. Qrup mərhələsinə vəsiqə qazanmaq istəyirik. Səfərdə bizi ağır oyun gözləyirik. Bununla belə, orada sona kimi mübarizə aparacağıq.

Mənbə: Futbolxeber.az


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib