19:25
Sabah dünya çempionatının seçmə mərhələsi çərçivəsində milli komandamızla qarşılaşacaq Rusiya millisinin baş məşqçisi Qus Hiddink bu gün Tofiq Bəhramov adına Respublika stadionunda oyunqabağı mətbuat konfransı keçirib. Hiddink ilk növbədə sabahkı matçla bağlı fikirlərini bildirib:
- Almaniyaya məğlubiyyət Bakı səfərimizin şərtlərini dəyişdi. Çünki qalib gəlsəydik, mundiala yollanmaq üçün sabah burada mütləq qələbə qazanmalıydıq. Səfər oyunlarında yaxşı oynayıb, nəticə qazanmağımıza baxmayaraq, dünya çempionatına yollanmağımız hələ də sual altındadır. Almaniyayla oyuna qədər keçirdiyimiz bütün oyunlardan razı qalmışdım. Lakin Almaniyaya məğlubiyyət bizi razı sala bilməz. Azərbaycanla oyunöncəsi fərqli duyğular keçiririk. Bu oyuna çox ciddi hazırlaşmışıq. Nəticə qazanmağa çalışırıq.
- 6 oyunçunuzun sarı vərəqəsi var. Sabahkı oyunda onların heç biri meydana çıxmayacaq?
- Təbii ki, bu səbəbdən bəzi oyunçular sabah meydana çıxmayacaq. Lakin konkret olaraq kimin oynayıb, kimin oynamayacağını dəqiq deyə bilmərəm.
- Dəvət etdiyiniz iki debütanta sabah şans verəcəksiniz?
- Bu oyunun gedişindən asılı olacaq. Bəlkə də ikinci hissədə onlara şans verdim.
- Almaniyaya məğlubiyyətdən sonra komandanın düşərgəsində ab-hava necədir?
- Təbii ki, məyusuq. Düzdür, biz heç də zəif yox, futbol adət-ənənələri olan ölkənin komandasına uduzmuşuq. Artıq dünən almanlarla oyundan sonra bir məşq keçmişik. Uşaqların istəkli olduğunu məşqdə açıq-aşkar gördüm.
- Millimizin Lixtenşteynə qarşı keçirdiyi son oyunu izləmisiniz?
- Təəssüf ki, həmin oyuna baxa bilmədim. Amma millinizin Almaniyaya qarşı keçirdiyi oyunu izləmişəm. Bilirəm ki, Azərbaycan komandası çox texnikalıdır.
- Sabahkı oyunda heyətdə eksperiment etmək fikriniz var?
Xüsusən də müdafiə xəttində dəyişikliklər olacaq?
- Milli komandada təcrübə keçirmək, eksperiment aparmaq imkanı elə də geniş deyil. Amma oyunun gedişində hansısa dəyişikliklər mümkün olacaq. Müdafiədə çətinliklərimiz var. Bu səbədən də arxa xətdə kiçik dəyişikliklə etməyimiz mümkündür.
- Dediniz ki, Lixtenşteynlə oyunu izləməmisiniz. Bunun səbəbi nədir, ehtiyac duymadınız, yoxsa vaxtınız olmayıb?
- Mən bayaq da dedim ki, almanlarla oyuna baxmışam və bu kifayətdir. Mən hesab edirəm ki, Azərbaycan millisi bizə Almaniyaya yaratdığından daha çox problem yaradacaq.
- Məğlubiyyət sizin üçün faciə olacaq?
- Biz heç vaxt uduzmaq haqda düşünmürük. Bilirəm ki, Azərbaycan bizə qarşı xüsusi motivasiya ilə çıxacaq, Biz uduzmaq istəmirik, amma indiki halda daha çox play-off oyunları barədə düşünürük.
Van Deyk ABŞ-ı seçdi
"Barselona"da ciddi itki
U-21 millimiz təlim-məşq toplanışına başladı - Şəkillər
Messidən sonra bunu bacaran Levandovski oldu
Faciəvi yanğında ölənlərdən biri futbolçudur
Messi də Argentina millisinə kömək edə bilməyəcək
Türkiyədə daha bir derbi əcnəbi hakimlərə tapşırıldı
Dibala Braziliyaya qarşı oynamayacaq
“Barselona”nın müdafiəçisi millidən kənarlaşdırıldı
Millimizin oyunlarının hakimləri müəyyənləşdi
"Barselona"nın təxirə salınmış oyununun vaxtı açıqlandı
AFFA rəhbərliyi U-21 millimizi ziyarət etdi - Şəkillər
"Nəticələr qazanıb bu durumdan çıxacağıq” - Elvin Məmmədov
İkardi və Vanda Nara arasında dava
Almaniya millisinin yeni forması - Şəkillər
Juninyo 2 qolun ötürməsini verdi, amma...
Messi Bekhemdən onu istədi
Levandovski ilkə imza atdı
Zubir 300-ə çatdı
"Səbail" yeni baş məşqçisini açıqladı - Rəsmi
Azərbaycan Premyer Liqasında rekord təkrarlandı
Qvardiolanın göndəriləcəyi iddia olunur
"Sumqayıt"dan yubiley qolu
“Həm Qurban Qurbanov pis olmuşdu, həm də mən” - Kadi
