"Qələbə qazanmağa qadirik" - Berti Foqts

"Qələbə qazanmağa qadirik" - Berti Foqts
ÖLKƏ FUTBOLU 8 Sentyabr 2014 / 12:49 4420
-  A +

"Avro-2016"nın seçmə mərhələsi çərçivəsində sabah Bolqarıstanla qarşılaşacaq milli komandamızın baş məşqçisi Berti Foqts bu gün jurnalistlər qarşısına çıxıb. Qol.Az-ın xəbərinə görə, o, oyun öncəsi təşkil olunan mətbuat konfransında  sualları cavablandırıb.

- Hazırlıqdan və futbolçulardan tam razıyam.  Onlar yoxlama oyunlarında hansı səhvləri etdiklərini  dərk ediblər. Qələbə qazanmaq istəyirik. Bu, futbolçularımdan asılıdır. İndi gənc futbolçularımız  çoxdur.  Şadam ki, onları yoxlama oyunlarında sınaqdan keçirdik və  səhvlərimizi gördük. Seçmə mərhələ  oyunlarında səhvlərə yol vermək olmaz.

- Sabahkı  oyunda  sizi hansı nəticə qane edir?

- Heç bir oyunda heç-heçə arzulamıram. Hər oyuna qələbə üçün çıxırıq.

- Sabah sizdən növbəti eksperimentlər gözləmək olar?

- Diqqətinizə çatdırım ki, sabah seçmə oyundur. Seçmə oyunda eksperimentlərə yol vermək olmaz.

- Amma ötən mərhələdə Maksim Medvedevi heç vaxt oynamadığı dayaq yarımmüdafiəsində oynatmışdınız.

- Hərdən elə vaxtlar olur ki, hansısa mövqeyə oyunçu tapılmır. Belə olanda məcburiyyətdən  eksperiment etməli olursan.
 
-  Tərlan Quliyevin yığmaya çağırılması mərkəz müdafiəçilərinin zəif olması ilə bağlamaq olar?

- Tərlan cinah müdafiəçisidir. O,  bir neçə mövqedə oynaya bilər. Maraqlı oyunu var.  Razıyam ki, son oyunda müdafiəçilərimiz kobud səhvlərə yol verdi. Buna görə onu milliyə  çağırmışam.
 
- Artıq sabahkı heyəti müəyyənləşdirmisiniz?

- Demək olar ki, heyət 90 faiz hazırdır. Üç mövqdə isə çətiliyimiz var.

- Millimizin sabiq baş məşqçisi Şahin Diniyev Rusiya ilə oyunda etdiyiniz eksperimentlərə görə sizi tənqid edib.

- Ona cavab vermək istəmirəm. Amma Diniyev  yaxşı məşqçidir. Onun beynəlxalq təcrübəsi var.

Daha çox


Son xəbərlər