Fransa ikinci liqasının lideri "Lans" klubunun tunisli futbolçusu Ala Eddine sonuncu tur çərçivəsində "Troyes" üzərindəki qələbədən sonra (1:0) yerli mətbuata müsahibə verib. Qol.Az-ın məlumatına görə, o, müsahibədə “Lans”ın indiki durumundan və hədəflərindən danışıb.
- "Lans"ın turnir cədvəlindəki hazırkı mövqeyi sizi təəccübləndirdi?
- Açığı, bu bir az gözlənilməz oldu. Klubun səhmlərinin satışı ilə əlaqədar komanda bir qədər gec yığışdı. Yeni transferlərin keçidi də gecikdi. Bununla belə, baş məşqçi Anton Kombouare 3 həftəyə komandanı hazır vəziyyətə gətirdi. Bu baxımdan turnir cədvəlindəki mövqeyimiz gözlənilməz oldu.
- Komandanın çempionata yaxşı start verməsində baş məşqçinin rolu nə dərəcədə oldu?
- O, çox təcrübəli və yüksək səviyyəli məşqçidir. Onun ötən mövsüm PSJ-dəki fəaliyyəti buna sübutdur. Üstəlik Kombouare çox intizamlı adamdır. Bu da insanı onun məsləhətlərinə qulaq asmağa vadar edir. Çünki o nə dediyini yaxşı bilir.
- Bir neçə kəlmə də son turda komandanızı dəstəkləyən 30 min azarkeşlə münasibətləriniz haqda danışardın...
- Burada qeyri-adi heç nə yoxdur. Azarkeşlərlə ötən illər ərzində də münasibətimiz korlanmamışdı. Ancaq Hafiz Məmmədov və Jerve Martelin klubu almasından komanda yeni mərhələyə qədəm qoyub. Artıq “Lans”da yeni təkan hiss edirəm. Lakin eyforiyaya qapılmamalıyıq. Biz gələn ilin may ayına – mövsümün sonuna qədər bundan min dəfə güclü səviyyədə qalmaq niyyətindəyik. Mən bunu yaşamaq istəyirəm.
Milli çempionatların oyunları xaricdə keçirilə bilər
Məhsuldar ötürmələri ilə rekorda imza atdı
"Qarabağ" derbidə belə qalib gəldi - Video
Daha 2 güləşçimiz Avropa çempionu oldu
İngiltərə Kubokunun finalçıları bəlli oldu
Azərbaycan derbisində qalib yenə “Qarabağ” oldu
