Azərbaycanlı iş adamı Hafiz Məmmədovun sahibi olduğu Fransanın “Lans” klubunun prezidenti Jerve Martel yeni mövsümdə komandasının hədəfləri haqda danışıb.
Qol.Az-ın məlumatına görə, Fransa mətbuatına danışan J.Martel əsas məqsədlərinin yüksək liqaya vəsiqə qazanmaq olduğunu bildirib:
"Bir-iki ilə Fransa yüksək liqasına vəsiqə qazanmaq üçün bizim lazımi maliyyə vəsaitimiz var. Düşünürəm ki, elə bu mövsüm istəyimizə nail olacağıq. Çünki əsas hədəfimiz yüksək liqaya vəsiqə qazanmaqdır. Bu mənada artıq sağlam komanda yarada bilmişik.
Hafiz Məmmədov futbolu bilən adamdır. O, eyni zamanda "Atletiko" (Madrid) klubu ilə də əməkdaşlıq edir. O da bilir ki, futbol komanda oyunudur və dərhal uğur qazanmaq olmaz. Bunu səbirlə və pillə-pillə həyata keçirmək lazımdır. Yüksək liqaya vəsiqə qazanmaq üçün əlimizdən gələni edəcəyik. Biz öz işimizlə məşğuluq. Çalışırıq ki, yüksək səviyyədə oyunçuları, texniki heyəti, azarkeşləri, iqtisadi dəstəyi olan bir komanda quraq. Ancaq onu deyim ki, mən üzərimə heç bir öhdəlik götürməmişəm. Müqavilə Hafiz Məmmədov tərəfindən imzalanıb".
Qeyd edək ki, "Lans" II liqanın ilk turu çərçivəsində sabah doğma meydanda "Bastia" ilə qarşılaşacaq. Oyun Bakı vaxtı ilə saat 23:45-də başlayacaq.
_22.01.19.jpg)
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
