Hafiz Məmmədov: "Lans" ən güclü klub olacaq"

Hafiz Məmmədov: "Lans" ən güclü klub olacaq"
LAND OF FİRE AZERBAİJAN 2 İyul 2013 / 21:00 4237
-  A +

Bu gün "Bakı" klubunun yeni baş məşqçisi Milinko Pantiçin təqdimat mərasimi keçirilib.

Qol.Az-ın məlumatına görə, tədbirdə ilk olaraq klub prezidenti Hafiz Məmmədov çıxış edib. Klub rəhbəri “Atletiko” (Madrid) klubu ilə əməkdaşlığa toxunub və yeni baş məşqçiyə böyük ümid bəslədiyini bildirib:

"Artıq bir müddətdir ki, yeni baş məşqçi Bakıdadır.  Pantiç haqda çox söz demək istəmirəm. Çünki onun haqda çoxlarınızın məlumatı var. Biz əvvəldən demişdik ki, klubda köklü dəyişikliklər olacaq. “Atletiko” (Madrid) ilə əməkdaşlığa başlayanda bildirmişdilər ki, “Bakı” klubu üçün əllərindən gələni edəcəklər. 

Bu gün Pantiçin bizim yanımızda olmasında da "Atletiko"nun böyük rolu var. Bu, bizi sevindirir. Mən Pantiçin iş prinsipi ilə tanış oldum. Çox peşəkar mütəxəssisdir. O həm də  sadə insandır. Futblçularla yaxından maraqlanır. İnanıram ki, Pantiçlə “Bakı” klubu ciddi uğurlara imza atacaq. Onun karyerasına siz də bələdsiniz. Bəlkə də, “Barselona” kimi komandaya 4 qol vuran yeganə futbolçulardandır".

Hafis Məmmədov Fransanın "Lans" klubu ilə əməkdaşlığa da toxunub: "Müəyyən hazırlıq işləri görülür. İntizam komitəsinin qərarını gözləyirik. Təxminən 90 faiz işlər görülüb. İyulun 5-də investitsiya proqramı olacaq. Yəqin ki, bu məsələ həllini tapacaq. Bizim gördüyümüz işlər dövlətimizin siyasətinin davamıdır. “Lans”ın hansı liqada çıxış etməyinə baxmayaraq, ən güclü klublardan biri olacaq.  “Lans” klubunun inkişfı üçün tədbirlər görəcəyik. Klubun bir hissəsi Azərbaycana məxsus olacaq".
 

Daha çox


Son xəbərlər
topaz banner