Avropada həftənin reklam hadisəsi: “Land of fire Azerbaijan”

Avropada həftənin reklam hadisəsi: “Land of fire Azerbaijan”
LAND OF FİRE AZERBAİJAN 6 Yanvar 2013 / 23:40 3685
-  A +

Rusiya mətbuatı “Bakı” klubu ilə İspaniya “Atletiko”su arasındakı növbəti əməkdaşlığı Avropa futbolunda bu həftənin ən yaddaqalan hadisəsi kimi dəyərləndirib.

Qol.Az-ın məlumatına görə, nüfuzlu “Sovetski sport” qəzeti Madrid klubunun formasında 2014-cü ilin iyun ayınına qədər Azərbaycanın təbliğ olunması haqda anlaşmanı bu həftənin ən yaddaqalan reklam olayı adlandırıb.

Bununla bağlı yazıda xatırladılıb ki, hələ 2012-ci ilin sonlarında “Bakı” klubu ilə “Atletiko” arasında müqavilə imzalanıb.

“Sovetski sport”un yazısında deyilir: “Bu əməkdaşlıq çərçivəsində “Atletiko” “Real”la oyuna üzərində “Land of fire Azerbaijan” (Odlar yurdu Azərbaycan – red.) sözləri yazılan forma ilə çıxdı. Amma sonradan məlum oldu ki, müqavilə özündə təkcə bunu ehtiva etmir. Hər iki klub müxtəlif sahələrdə, o cümlədən uşaq və gənc futbolçuların inkişafı istiqamətində də əməkdaşlıq edəcək, həmçinin, yoldaşlıq görüşləri keçirəcək və təcrübə mübadiləsi aparacaq.

- Bizim əməkdaşlığımız Azərbaycan və ispan xalqları arasında dostluğun yaranmasına kömək edəcək. “Atletiko” qədim tarixə və ənənələrə malik olan Azərbaycanla əməkdaşlıqla fəxr edir – deyə ispan klubunun baş direktoru Migel Anxel Marin bildirib. “Biz bununla Azərbaycana və onun xalqına hörmətimizi nümayiş etdiririk” – deyə “Sovetski sport” Migel Anxel Marinin Bakıya son səfəri zamanı səsləndirdiyi fikirləri qeyd edib.

Daha çox


Son xəbərlər