Azərbaycan Premyer Liqası: azarkeş sayı açıqlandı

Peşəkar Futbol Liqası cari Azərbaycan Premyer Liqasının oyunlarına gələn azarkeşlərlə bağlı statistik göstəriciləri açıqlayıb.

Qol.Az-ın qurumun saytına istinadən yaydığı xəbərə görə, qış fasiləsinə kimi baş tutmalı olan 108 oyundan 2-si gələn ilə təxirə salınıb. Daha 1 qarşılaşma – “Simurq” – “Rəvan” matçının nəticəsi ləğv olunub. Bir sözlə, mövsümün ilk bölümü 105 matçla tamamlanıb.

Bu müddətdə baş tutan 105 görüşdə 214 min 470 tamaşaçı qeydə alınıb. Bu isə orta hesabla hər oyunda 2043 seyrçinin olması anlamına gəlir.

Müqayisə üçün qeyd edək ki, ötən mövsüm orta tamaşaçı sayı 2343-ə bərabər idi. Ötən çempionatın 18 turluq ilk bölümündə isə bu rəqəm 2564 idi.

Arxada qalan 105 matçda ən çox azarkeş Lənkəranda baş tutan “Böyük oyun”da qeydə alınıb. 17-ci turun “Xəzər Lənkəran”la “Neftçi” (14.12.2012) arasında qarşılaşmanı 9500 nəfər izləyib.

Çempionatın antirekordu isə bundan təxminən 63 dəfə az olub – 150 nəfər. Buna 2 dəfə təsadüf olunub. 9-cu turun “Qarabağ” – “Bakı” (20.10.2012) və 18-ci turun “Sumqayıt” – “Kəpəz” (20.12.2012) görüşlərində belə az izləyici olub. Bu matçlar müvafiq olaraq Tofiq Bəhramov adına Respublika stadionu və “Bayıl Arena”da baş tutub.

Komandaların ev oyunlarındakı tamaşaçı sayına gəlincə son illərdə olduğu kimi yenə “Xəzər Lənkəran” ilk pillədədir. Paytaxt klubları və ev oyunlarını Bakıda keçirən “Qarabağ” isə cədvəlin aşağı pillələrindədir.

“Xəzər Lənkəran” 8  (ev oyunu) 43 min 700 (azarkeş) 5463 (orta hesabla)

“Kəpəz” 8 30500 3813

Sumqayıt   10  32550  3255

Turan (Tovuz)   9 28400 3156

Simurq (Zaqatala)   8 18900 2363

Neftçi (Bakı)   10 15250 1525

AZAL (Bakı)   7 8900 1271

Qəbələ   9 10880 1209

Bakı   8 7880 985

İnter (Bakı)   10 7850 785

Rəvan (Bakı)   9  6010 668

Qarabağ (Ağdam)   9 3650 406

Komandaların səfər oyunlarına gəlincə isə “Qarabağ” ilk pillədə yer alıb. Bu komandanın rəqiblərinin azarkeşləri Ağdam təmsilçisinə marağı böyükdür.
Qarabağ (Ağdam)   9 34500 3833

Rəvan (Bakı)   8 25450 3181

Neftçi (Bakı)   7  19900 2843

Bakı   9  21200 2356

Xəzər Lənkəran  10 18500 1850

Qəbələ   9 16000 1778

Sumqayıt   8 13650 1706

Kəpəz (Gəncə)   10 16740 1674

Turan (Tovuz)   8 12930 1616

AZAL (Bakı)   10 16000 1600

İnter (Bakı)   8  9400 1175

Simurq (Zaqatala)    9 10200 1133

Premyer Liqanın 105 oyunu 15 müxtəlif stadionda keçirilib. Ən çox azarkeş Lənkəran stadionunda qeydə alınıb. Ümumiyyətlə ilk 5 pillədə paytaxtdan kənardakı arenalar qərarlaşıb. Bakının ən çox azarkeş toplayan 8-ci km stadionudur. 15 arena arasında sonuncu pillədə isə Respublika stadionudur. Azərbaycanın ən böyük idman qurğusu cəmi 2500 seyrçi toplayıb. Bu da “Böyük oyun”dakından az qala 4 dəfə aşağı göstəricidir. Maraqlıdır ki, paytaxt stadionlarından yalnız “AZAL Arena” ümumi azarkeş sayı “Böyük oyun”dan yüksək olub. Digər stadionlar isə hətta 8-9 matçda da 1 oyunluq tamaşaçı toplaya bilməyib.

Lənkəran   7 42700 6100
Gəncə 8 30500 3813
Sumqayıt   10 33700 3370
Tovuz 9 28400 3156
Zaqatala   8 18900 2363
8-ci km stadionu  5 7700 1540

Bakıxanov   5 7550 1510

AZAL Arena   8 10900 1363

Qəbələ   8 10380 1298

"Bakı"nın bazası   8 7880 985

Şəfa   8 5350 669

Bayıl Arena   9 5560  618

Böyük Əmili   1 500 500

Dalğa Arena   4 1950 488

Respublika   7 2500 357