Georgi Nikolov: “Böyükağa Hacıyevə çox sərt və xoşagəlməz cavab verərəm”

ÖLKƏ FUTBOLU 24 Dekabr 2012 / 14:03 5715
-  A +

Bakı “İnter”inin prezidenti Georgi Nikolov “Neftçi”nin baş məşqçisi Böyükağa Hacıyevin bu klubla “Simurq”un bir-birinə xal verməsi, eləcə də gürcü çalışdırıcıları Kaxaber Szadadze barəsində səsləndirdiyi fikirlərə münasibət bildirib.

Qol.Az saytının müxbiri ilə söhbətində G.Nikolov qeyd edib ki, bir klubun prezdenti başqa bir komandanın baş məşqçisinin sözlərini müzakirə etməməlidir.

“Böyükağa Hacıyevə çox sərt və xoşagəlməz cavab verərəm. Lakin buna lüzum görmürəm. Mən ona axı nə cavab verim?. Yəqin ki, son turdakı oyunda hakim onu texniki zonadan qovduqdan sonra bilməyib, nə desin” – deyə G.Nikolov bildirib.

Böyükağa Hacıyevin Kaxaber Sxadadzenin Azərbaycan futbolunda nə istədiyini etməsi barədə fikirlərinə gəlincə, G.Nikolov bunları söyləyib: “Mən bilmərəm, Hacıyevin “İnter”lə nə ədavəti var. Çox güman ki, Avroliqadakı çıxışdan sonra eyforiyaya qapılıb. Fikrimcə, gedib öz komandasının işləriylə məşqul olsa, daha yaxşı olar. Onun hələ öz komandasında görəcəyi çox iş var.  Qalan şeylər onun işi deyil. Başa düşmürəm, niyə Hacıyev gürcü məşqçilər haqda rasist fikirlər səsləndirir. İrqiçi və millətçi  hərəkətlər bütün dünyada qəbulolunmazdır. Böyükağa Hacıyev burnunu bizim işimizə soxmasın”.

Əli HƏYATİ

Daha çox


Son xəbərlər