16.11.18
Azərbaycan Boks Federasiyasının vitse-prezidenti Ağacan Əbiyev Beynəlxalq Həvəskar Boks Federasiyasının (AİBA) dünən onu olimpiadadan uzaqlaşdırdığı barədə yayılan məlumatlara münasibət bildirib:
“Mən London Olimpiadasındayam, niyə uzaqlaşdırılmalıyam? Başa düşmürəm, məni kim uzaqlaşdırıb? Bəyəm, orda hakimlik edirdim ki? Necə yəni uzaqlaşdırılmışam?”.
A.Əbiyev qələbəsi geri alınan Azərbaycan boksçusunun yarışında Türkmənistandan olan boks hakiminin London Olimpiya Oyunlarından uzaqlaşdırılması məsələsində hakimin özünün günahkar olduğunu söyləyib.
Ağacan Əbiyev hakimin rüşvət verildiyi üçün azərbaycanlı boksçunu qalib etdiyi barədə xəbərləri “yalan” adlandırıb: “Bu sözləri boksdan xəbəri olmayanlar deyir. Hakim doğrudan da səhv edib. Ona görə də yarışdan uzaqlaşdırılıb. Səhvi odur ki, boksçu neçə dəfə yıxılandan sonra xəbərdarlıq verməli idi. Vermədiyi üçün yarışdan uzaqlaşdırıldı. Hakimə rüşvət verilməsi barədə deyilənlər tamamilə yalandır. Orda elə şey keçmir. Bunu başa düşmək lazımdır. Hər şeyi rüşvətə qoşmaq olmaz. Hakim zəif olduğuna görə belə bir səhv edib. Zərbədən sonra nokaund olmalı idi. Gərək heç olmazsa, xəbərdarlıq edəydi ki, bu qədər yıxılmaq olmaz. Onun hakim kimi səhvi bu olub, ona görə çıxarılıb. Uşaq-uşaq şeylər danışırlar. Bağışlayın məni, idmandan xəbəri olmayan adamlar belə məlumatlar yayır. Futbolda belə şeylər olur deyə bütün idman növlərinə aid edirlər. Gərək hakim bizim boksçumuza xəbərdarlıq edib, 2-3 dəfədən sonra döyüşü saxlayıb çıxaraydı”.
Hazırkı döyüşləri qiymətləndirən A.Əbiyev deyib ki, boksçularımızın güclüsü də, zəifi də var: “Bəyəm, gedənlərin hamısı medal almalı idi? Nə vaxt belə olub ki? Afinada 9 boksçumuz getmişdi, 2-si bürünc medal almışdı. İndi 7 boksçumuz iştirak edir, hələ oyunlar davam edir”.
Qeyd edək ki, AİBA-nın yaydığı bəyanatda bildirilır ki, hakim Işanquli Meretniyazov "evinə qayıdır".
Meretniyazov yarışın Azərbaycan boksçusu Məhəmməd Əbdülhəmidovun yerə yıxılmasına baxmayaraq, onun yapon həmkarı üzərində “qələbəsinə” kömək etməkdə ittiham edilir. Eyni zamanda bəyanatda bildirilir ki, Azərbaycan Boks Federasiyasının vitse-prezidenti Ağacan Əbiyev də əlavə izah verilmədən oyunlardan uzaqlaşdırılıb. Boksun idarəedici orqanı olan AİBA Ağacan Əbiyevin nə üçün Olimpiadadan uzaqlaşdırıldığına dair şərh verməyib. Ancaq federasiya Azərbaycan rəsmisinin davranış kodeksini “bir neçə dəfə pozduğunu” deyib.
Mənbə: teleqraf.com
Avropanın rəmzi komandasında kimlər var?
Ən yaxşılar bəlli oldu: "Bavariya", "Arsenal"...
"Benfika"dan "Barselona"ya keçidi çətinləşdi
Salah qol vurdu, Misir millisi liderliyə yüksəldi
Levandovski ərəb klubuna gedir?
Fransa millisinin sabiq məşqçisi vəfat etdi
“Beşiktaş” 2 futbolçusunu heyətdən kənarlaşdırdı
"Liverpul" İsakın əvəzləyicisini axtarır
Baş məşqçi klubu tərk etməyə hazırlaşır
Ülvi Babayev klubunu dəyişir
Pelleqrini sıradan çıxdı
Komandası məğlub oldu, özü də ağır cəza aldı
"Real"ın "Santyaqo Bernabeu" ilə bağlı hədəfi
"Roma" yeni stadionunun planını təqdim etdi - Şəkil
AFFA üç klub rəsmisini futboldan uzaqlaşdırdı
Dembele ilin idmançısı seçildi
Sxadadze 4 oyunluq cəzalandırıldı
AFFA bu klubları cərimələdi
Prezident bu idmançılara mənzil hədiyyə etdi
İlham Əliyev ilin idman tədbirində - Yenilənib
“Belə olmaz, yerli məşqçilərə güvənməliyik”
Qurban Qurbanov bu ayrılığa razılıq vermədi
Millimizin sabiq futbolçusu Türkiyədə həbs olundu
Baxşıyev "Araz Naxçıvan"ı təkzib edir - Klubda nə baş verir?
Eks "Qarabağ"lı bu klubun baş məşqçisi oldu
Milli komandada yeni bombardir
"Araz-Naxçıvan" Elmar Baxşıyevi istefaya göndərdi - Rəsmi
İlin ən yaxşı futbol hakiminin adı açıqlandı
Alaba ilə müqavilə uzadılmayacaq
