"Beşiktaş" son dəqiqədə sevindi

Bu gün UEFA Avropa Liqasında qrup mərhələsinin V turunda növbəti oyunlar keçirilib. Qol.Az-ın məlumatına görə, əvvəlki turlardan fərqli olaraq bu dəfəki oyunlar iki gün ərzində baş tutub.

Bu axşam isə D, E, F, J, K və L qruplarında oyunlar keçirilib. D qrupunda “Sportinq” öz meydanında “Sürix”i, “Vasluy” isə “Latsio”nu qəbul edib. Bu qrupda eyni xala malik olan “Vasluy” – “Latsio” matçı daha böyük maraq doğururdu. Lakin bu görüşdə hesab açılmayıb - 0:0.  “Sportinq” isə əsasən liderliyini qorumaq haqda düşünürdü ki, buna da nail olub - 2:0.

Azərbaycan futbolsevərlərinin diqqəti isə E qrupunda keçiriləcək oyunlara yönəlib. Burada Türkiyənin “Beşiktaş” klubu səfərdə İsrail “Makkabi”sinin qonağı olub. Hazırda 6 xalla ikinci pillədə qərarlaşan “Beşiktaş” bu oyunda qalib gəlməklə növbəti mərhələyə bir qədər də yaxınlaşmaq niyyətində idi. “Qara qartal” bu oyunda qələbə qazanmaqla ikinci pillədəki mövqeyini qoruyub.

Qrupun digər matçında isə “Stok Siti” – “Dinamo” (Kiyev) klubları üz-üzə gəliblər. Bu tura qədər 10 xalla qrup liderliyini davam etdirən ingilis təmsilçisi bu oyunda da qalib gələrsə, birinci pillədəki mövqeyini təmin edəcəkdi. Növbəti mərhələ şanslarını saxlayan “Dinamo” isə bu arzusunu gerçəkləşdirmək üçün mütləq qələbə qazanmalı idi ki, bunu bacarmayıb - 1:1.
 
F qrupunda isə “Atletik” (Bilbao,İspaniya) – “Slovan” (Slovakiya) və “Zalzburq” (İsveçrə) – PSJ (Fransa) oyunları baş tutub. “Atletik”ə qrup qalibi olmaq üçün bir xal da kifayət edəcək. Lakin İspaniya təmsilçisi rəqibin 2:1 hesabı ilə məğlub edib. PSJ isə səfərdə "Zalsburq"a 0:2 hesabı ilə uduzub. J qrupunda isə AEK (Kipr) “Makkabi”ni, “Şalke” isə “Styaua”nı 2:1 hesabı ilə məğlub edib.

K qrupunda isə “Tvente” (Hollandiya) – “Fulhem” (İngiltərə) matçı böyük maraq doğururdu. Hazırda qrup lideri olan “Tvente”ni bu görüşdə bir xal da qane edirdi. “Fulhem” isə lider olmaq üçün mütləq qələbə qazanmalı idi. Lakin oyun 1:0 hesabı ilə "Tvente"nin qələbəsi ilə başa çatıb. Qrupun digər matçında isə “Odense” öz meydanında “Visla”ya uduzub - 1:2. L qrupunda Moskva “Lokomotiv”i “Şturm”u 3:1, “Anderlext” isə səfərdə AEK (Yunanıstan) klubunu 2:1 hesabı ilə məğlub edib.

1 dekabr

Avroliqanın qrup mərhələsinin V turunun oyunları

D qrupu

00:05. “Vasluy” (Rumıniya) – “Latsio” (İtaliya) - 0:0

00:05. “Sportinq” (Portuqaliya) – “Sürix” (İsveçrə) - 2:0
Qollar: Volfsvinkel, 15 (1:0), Bojinov, 58 (2:0)
 

00:05. “Makkabi” (Təl-Əviv, İsrail) – “Beşiktaş” (Türkiyə) - 2:3
Qollar: Quarejma, 45 (0:1), 90 (2:3), Toraman, 47 (0:2), Yeini, 59 (1:2), Logasi, 71 (2:2)

00:05. “Stok Siti” (İngiltərə) – “Dinamo” (Kiyev, Ukrayna) - 1:1
Qollar: Apson, 27-avtoqol (0:1), Cons, 81 (1:1)

00:05. “Atletik” (Bilbao,İspaniya) – “Slovan” (Slovakiya) - 2:1
Qollar: Markos, 15 (1:0), Sebo, 39 (1:1), Laskurain, 75 (2:1)

00:05. “Zalzburq” (İsveçrə) – PSJ (Fransa) - 2:0
Qollar: Yantşer, 20 (1:0), Svento, 90 (2:0)
 

22:00. AEK (Kipr) – “Makkabi” (Hayfa, İsrail) - 2:1
Qollar: Qarsiya, 14 (1:0), Pintado, 51 (2:0), Bulyat, 75 (2:1)

22:00. “Şalke” (Almaniya) – “Styaua” (Rumıniya) - 2:1
Qollar: Papadapulos, 25 (1:0), Rusesku, 33 (1:1), Raul, 57 (2:1)

22:00. “Tvente” (Hollandiya) – “Fulhem” (İngiltərə) - 1:0
Qol: Yanko, 89 (1:0)

22:00. “Odense” (Danimarka) – “Visla” (Polşa) - 1:2
Qollar: Biton, 20 (0:1), Maleçki, 28 (0:2), Yensen, 51 (1:2)

A qrupu

“Rubin” (Kazan, Rusiya) – “Şamrok Rovers” (İrlandiya) - 4:1
Qollar: Valdez, 10 (1:0), 51 (3:1), Oman, 12 (1:1), Natko, 36 (2:1), Martins, 62 (4:1)

“Tottenhem” (İngiltərə) – PAOK (Yunanıstan) - 1:2
Qollar: Salpinqidis, 6 (0:1), Athasiadis, 14 (0:2), Modriç, 38-pen (1:2)

B qrupu

“Vorskla” (Ukrayna) – “Kopenhagen” (Danimarka) - 1:1
Qollar: N'Doye, 31-avtoqol (1:0), 37 (1:1)

“Standart” (Belçika) – "Hannover" (Almaniya) - 2:0
Qollar: Çite, 26 (1:0), Siriak, 59 (2:0)

C qrupu

“Rapid” (Rumıniya) – “Hapoel” (Təl-Əviv, İsrail) - 1:3
Qollar: Temile, 12 (0:1), 39-pen (0:2), Deak, 43-pen (1:2), Toama, 45 (1:3)

“Legiya” (Polşa) – PSV (Eyndhoven, Hollandiya) - 0:3
Qollar: Manolev, 32 (0:1), Mertens, 59 (0:2), Labyad, 68 (0:3)

G qrupu

“Malmö” (İsveç) – “Az Alkmaar” (Hollandiya) - 0:0

“Metalist” (Xarkiv, Ukrayna) – “Austria” (Avstriya) - 3:1
Qollar: Deviç, 17 (1:0), Mader, 19 (1:1), Laserde, 40 (2:1), Queye, 60 (3:1), Sosa, 90 (4:1)

H qrupu

“Braqa” (Portuqaliya) – “Birmingem” (İngiltərə) - 1:0
Qol: Viana, 51 (1:0)

“Maribor” (Sloveniya) – “Brügge” (Belçika) - 3:4
Qollar: Volas, 11 (1:0), 68 (3:0), Donk, 51-avtoqol (2:0), Dirar, 74 (3:1), 77 (3:2), Akpala, 82 (3:3), Donk, 90 (3:4)

İ qrupu

“Renn” (Fransa) – “Udineze” (İtaliya) - 0:0

“Seltik” (Şotlandiya) – “Atletiko” (Madrid) - 0:1
Qol: Arda Turan, 30 (0:1)