17:18
“Mançester Yunayted” və İngiltərə milli komandasının hücumçusu Ueyn Runinin atası danışılmış oyunlarla bağlı istintaq çərçivəsində həbs edilib.
Qol.Az-ın “The Daily Mail” qəzetinə istinadən verdiyi məlumata görə, oğlu ilə eyni adı daşıyan 48 yaşlı Runi və 54 yaşlı qardaşı Riçi 2010-cu il dekabrın 14-də Şotlandiya çempionatında keçirilən şübhəli “Moteruell” – “Harts” qarşılaşması ilə əlaqədar aparılan cinayət işi üzrə saxlanılıblar. İş üzrə ümumilikdə 9 nəfər həbs olunub.
Xatırladaq ki, “Moteruell” – “Harts” matçı 1:2 hesabı ilə qonaqların xeyrinə nəticələnib. “Harts”ın qollarından biri penaltidən vurulub. “Moteruell”in oyunçusu Stiv Cenninqs 82-ci dəqiqədə qırmızı kart alaraq meydandan qovulub. Oyun keçirilən gün Liverpulda bir nəfər “Moteruell”in bir oyunçusunun qırmızı vərəqə alacağı ilə bağlı ayrı-ayrılıqda hər biri 100 sterlinq olmaqla iki “stavka” qoyub. Eyni şəxs bir qədər sonra daha iri “stavka”lar qoymaq istəyib, lakin mərc şirkətinin onlayn təhlükəsizlik sistemi bu şübhəli “stavka”ları qəbul etməyib. Mərc şirkəti polisə müraciət etdikdən sonra polis təhqiqata başlayıb.
Qeyd edək ki, matçda qırmızı vərəqə alan S. Cenninqs də həbs olunanlar arasındadır.
"Karvan"da iki ayrılıq
Ronaldonun növbəti uğuru
"Çoxdandır ki, millidə bu ruh görünmürdü" - Ayxan Abbasov
U-21 yığmamızın Bolqarıstanla oyunundan - Video
Azərbaycan millisi DÇ-2026-da ilk xalını qazandı
Azərbaycan millisində tarixi rekord!
Rüdiger və Alabanı kim əvəz edəcək?
U-21 yığmamız Bolqarıstanla bərabərə qaldı
Ançelotti Rafinyaya istirahət verə bilər
“Fənərbaxça” yeni baş məşqçisini rəsmən açıqladı - Yenilənib
Azərbaycan - Ukrayna: Heyətlər
"Liverpul" yeni formalarını təqdim etdi - Şəkillər
