Avstriya millisinin yeni baş məşqçisi müəyyənləşdi

Avstriya millisinin yeni baş məşqçisi müəyyənləşdi
DÜNYA FUTBOLU 4 Oktyabr 2011 / 02:37 2904
-  A +

AÇ-2012-nin seçmə mərhələsi çərçivəsində oktyabrın 7-də Bakıda millimizin qonağı olacaq Avstriya yığma komandasının yeni baş məşqçisi müəyyənləşib.

Qol.Az-ın Avstriya mətbuatına istinadən verdiyi məlumatına görə, millimizin rəqibini bundan sonra isveçrəli mütəxəssis Marsel Köller çalışdıracaq.

Bu isə o deməkdir ki, Avstriya millisini Bakıya Villi Ruttenşteyner deyil, məhz Köller gətirəcək. Onun ilk ciddi sınağı da məhz oktyabrın 7-də millimizə qarşı olacaq.

Uzun müddətdir baş məşqçi axtarışlarını davam etdirən Avstriya Futbol Federasiyası (AFF) sonda 51 yaşlı  mütəxəssisə üstünlük verib. Köllerin Avstriya millisinə təyinatı ilə bağlı rəsmi qərar isə bu gün AFF tərəfindən açıqlanacaq.

Qeyd edək ki, Avstriya millisinin baş məşqçi postuna namizədlər arasında Kürt Yara, Franko Foda və Andreas Herzoq da var idi.

 


Son xəbərlər
09.07.25  13:19

"Kəpəz"də ayrılıq