09:38
“Qarabağ”dan ayrılan kolumbiyalı müdafiəçi Kevin Medina klub və azarkeşlərlə vidalaşıb.
QOL.az xəbər verir ki, futbolçu sosial media hesabında paylaşım edərək Ağdam təmsilçisində keçirdiyi illərin onun karyerasında xüsusi yer tutduğunu bildirib:
"Bu gün həm həyatımda, həm də karyeramda dərin izlər buraxan klubla vidalaşıram. “Qarabağ”a ilk addım atdığım andan etibarən məni səmimiyyətlə qarşılayan peşəkar ailə, yaxın dostlara çevrilən komanda yoldaşları və hər zaman yanımızda olan azarkeşlər qazandım. Bu formanı geyinmək və bu loqonu təmsil etmək mənim üçün böyük bir şərəf və məsuliyyət idi. Meydana çıxdığım hər oyunda maksimum hörmət və fədakarlıqla mübarizə aparmağa çalışdım".
Medina həmçinin rəhbərliyə, məşqçilərə və komanda yoldaşlarına təşəkkür edərək “Qarabağ” azarkeşlərinə də xüsusi minnətdarlıq mesajı ünvanlayıb və onların dəstəyini heç vaxt unutmayacağını qeyd edib.
Qeyd edək ki, 2020-ci ildən “Qarabağ”da çıxış edən 33 yaşlı müdafiəçinin karyerasını Malayziyanın “Johor” klubunda davam etdirəcəyi gözlənilir.
Baş məşqçi millini tərk etməyə hazırlaşır
Safanova görə klubdan gedə bilər
“Kristal Pelas” satışa çıxarılır?
Fransa - Seneqal: Heyətlər
"Neftçi"nin yay hazırlığı harada olacaq?
Dünya Çempionatı 2026
Xəbərlər
Təqvim
Cədvəl