UEFA hakimi azyaşlıya qarşı nalayiq hərəkət şübhəsi ilə saxlanılıb

UEFA hakimi azyaşlıya qarşı nalayiq hərəkət şübhəsi ilə saxlanılıb
XƏBƏR 28 Aprel 2026 / 11:26 310
-  A +

Adı açıqlanmayan UEFA-nın hakimlərindən biri Böyük Britaniya polisi tərəfindən azyaşlıya qarşı nalayiq hərəkət şübhəsi ilə saxlanılıb. 

QOL.az xəbər verir ki, bu barədə “The Sun” nəşri məlumat yayıb.

Məlumata görə, hadisə hakimin qaldığı oteldə baş verib. İddialara əsasən, referi ictimai zonada yeniyetmə ilə söhbət edib, daha sonra ona toxunub və otağına dəvət etməyə çalışıb.

Hadisə barədə polisə yeniyetmənin özü və ya yaxınlarından biri məlumat verib. Bildirilir ki, hakim daha sonra oteli tərk edib, avrokubok oyununu idarə edib və geri qayıtdıqdan sonra UEFA nümayəndələrinin iştirakı ilə saxlanılıb. Dindirildikdən sonra isə girov qarşılığında sərbəst buraxılıb.

Qeyd olunur ki, həmin referi 2026 FIFA dünya çempionatına təyin olunacaq hakimlər siyahısında yer alırdı. FİFA araşdırma müddətində onun oyunlara təyinat almayacağını açıqlayıb.

UEFA da vəziyyəti narahatlıqla izlədiyini bildirərək hakimi müvəqqəti olaraq matçlardan uzaqlaşdırıb.


Son xəbərlər
topaz banner