19:09
Bu gün Azərbaycan kubokunda 1/4 final mərhələsinin cavab matçları çərçivəsində "Kəpəz" "Turan Tovuz"u qəbul edib. Qarşılaşma Tovuz təmsilçisinin 2:0 hesablı qələbəsi ilə yekunlaşıb.
QOL.az xəbər verir ki, Gəncə təmsilçisinin baş məşqçisi Azər Bağırov matçdan sonra keçirilən mətbuat konfransında oyun barədə fikirlərini bölüşüb.
Təcrübəli mütəxəssis ilk növbədə məğlubiyyətin səbəblərinə və azarkeş amilinə toxunub:
"Azarkeşlərimizə dəstəyə görə təşəkkür edirəm. Uzun müddətdir təhlil etdiyimiz standart vəziyyətlərdən iki qol buraxmağımız məni çox məyus edir. Belə vəziyyətlərdə məsuliyyət daha çox qapıçı və qapıçı məşqçisinin üzərinə düşür. Qarşıda "Turan Tovuz"la çempionat matçı var və biz həmin oyunda azarkeşlərimiz üçün ən yaxşı futbolumuzu nümayiş etdirməyə çalışacağıq".
A.Bağırov heyətdəki zədəli futbolçuların son durumu barədə jurnalistlərin suallarını belə cavablandırıb:
"Ryonosuke Ohorinin ayağında burxulma olsa da, həkimlər zədənin çox ciddi olmadığını bildirdilər. Dəqiq diaqnoz müayinədən sonra bəlli olacaq. Fiziki hazırlıqla bağlı heç bir problemimiz yoxdur, komandada əzələ zədəsi olan oyunçu yoxdur. Banın çiynindəki xroniki problemə görə onu ehtiyatda saxlamalı olduq".
Baş məşqçi kubokda mübarizəni dayandırmaları və gələcək planlar barədə də fikirlərini bölüşüb:
"Komandanı sıfırdan mən yığmamışam, hazırda çempionatda ən az legioneri olan klub bizik. Bəzi oyunçuların gözlənilmədən gedişi bizə böyük zərbə vurdu, lakin uşaqlar hər matçda sona qədər döyüşürlər. Yeni müqavilə məsələsinə gəlincə, hər şey may ayında bəlli olacaq. Gələn mövsüm burada qalıb-qalmayacağımızı bilmirik. Əgər gələn mövsüm komandanı sıfırdan özüm yığsam, Gəncədə o təzyiq altında oynamaq mənim üçün daha asan olar".
"Fənərbaxça"nın futbolçusu vətəninə qayıdır
"Yeni mövsümdə hər şey gözlənilir" - Qurban Qurbanov
Levandovski qoruyucu maskada məşqlərə başladı
“Qarabağ”ın oyununda gözlənilməz hadisə - Video
Addainin dublu, "Qarabağ"ın inamlı qələbəsi - Video
Baş məşqçi hakimlərlə münaqişəyə görə cəzalana bilər
Premyer Liqanın ən çox ötürmə edən oyunçuları bəlli oldu
“Qarabağ” dramatik sonluqla yarımfinalda
"Bavariya" və Laymer arasında danışıqlar dayandırıldı
Neymar yenidən millidə oynaya bilər
Finallissima matçı harada baş tutacaq?
Hardadır bu gün o 30 min tamaşaçı? - Video
Rəqibi təhqir etdi, 6 oyunluq diskvalifikasiya olundu
Hakim qərarlarına görə liqanı tərk etdilər
Ronaldo sıradan çıxdı
"Onlar uduzmuş ölkədir, uçuruma doğru gedirlər"
"Qarabağ" - "Şamaxı": Heyətlər
Milliyə kimlər çağırıldı?
