22:47
İngiltərənin "Vest Hem" klubu aparıcı futbolçusu Lukas Paketa ilə yollarını ayırmağa hazırlaşır.
QOL.az klubun rəsmi saytına istinadən xəbər verir ki, braziliyalı yarımmüdafiəçinin transferi ilə bağlı "Flamenqo" ilə razılığa gəlinib. Artıq futbolçuya danışıqlar aparmaq və tibbi müayinədən keçmək üçün icazə verilib.
London təmsilçisinin yaydığı rəsmi bəyanatda bildirilir ki, 28 yaşlı futbolçu şəxsi və ailəvi səbəblərdən ötrü vətəninə qayıtmaq istəyib. Qeyd olunub ki, 2025-ci ilin iyulunda İngiltərə Futbol Assosiasiyasının (FA) ittihamlarından bəraət qazanan Paketa 2 il sürən məhkəmə prosesinin yaratdığı psixoloji gərginlikdən sonra karyerasında yeni səhifə açmaq niyyətindədir.
Qeyd edək ki, klub rəhbərliyi və məşqçilər korpusu onu saxlamağa çalışsa da, futbolçunun israrı nəticəsində keçidə könülsüz də olsa razılıq verilib. İlkin məlumatlara görə, bu transfer "Flamenqo"ya 42 milyon avroya başa gələcək.
"Çelsi"dən getdi
"Sabahkı oyunda futbolçularıma inanıram" - Qurban Qurbanov
"Aston Villa" sabiq hücumçusunu transfer etdi
Baş məşqçi gənc hakimdən üzr istədi
