22:47
"Ayntraxt" klubunun baş məşqçi vəzifəsinə yeni namizədlər bəlli olub.
QOL.az xəbər verir ki, bu barədə tanınmış insayder Florian Plettenberq məlumat paylaşıb. Onun sözlərinə görə, klubun çalışdırıcısı olmaq üçün ən real namizəd vaxtilə "Liverpul"da forma geyinmiş Albert Rieradır.
Hazırda Sloveniyanın "Çelye" klubunu çalışdıran ispaniyalı mütəxəssisin istefaya göndərilən Dino Topmölleri əvəzləməsi gözlənilir.
Klub rəhbərliyi Riera ilə razılığa gələ bilməyəcəyi təqdirdə ehtiyat variantları da nəzərdən keçirir. Belə ki, siyahıda "Bodo Qlimt"dən Kyetil Knutsen, "Kopenhagen"dən Yakob Neestrup və son iş yeri "Leyptsiq" olan Marko Rozenin də adları var.
Qeyd edək ki, "Ayntraxt" Bundesliqada geridə qalan 19 turdan sonra 27 xalla 8-ci pillədə qərarlaşıb. Komanda Çempionlar Liqası zonasından (4-cü yer) 9 xal geri qalır.
"Çelsi"dən getdi
"Sabahkı oyunda futbolçularıma inanıram" - Qurban Qurbanov
"Aston Villa" sabiq hücumçusunu transfer etdi
Baş məşqçi gənc hakimdən üzr istədi
