14:25
“Liverpul”un baş məşqçisi Arne Slotun komandadakı gələcəyi hələlik sual altında deyil.
QOL.az İspaniyanın “AS” nəşrinə istinadla xəbər verir ki, buna baxmayaraq, komandanın qeyri-sabit çıxışı niderlandlı mütəxəssisin üzərindəki təzyiqi getdikcə artırır və Xabi Alonsonun adı “Enfild”lə daha tez-tez hallanmağa başlayır.
Çempionlar Liqasında Marseldə qazanılan son qələbəyə (3;0) baxmayaraq, “Liverpul” azarkeşlərinin öz komandalarını fitə basması vəziyyətin nə qədər ciddi olduğunu göstərir.
Xüsusilə bu narazılıq Arne Slot üçün əlavə təzyiq yaradır. Premyer Liqada titul uğrunda mübarizənin çox erkən itirilməsi və Çempionlar Liqasında hələ də ilk 8-lik uğrunda mübarizə aparılması komandanın ümumi mənzərəsini ağırlaşdırır.
“Liverpul” Premyer Liqada ardıcıl 4 heç-heçə edib – “Lids”, “Fulhem”, “Arsenal” və “Bernli” ilə oyunlarda qələbə qazana bilməyib. Bu, klub üçün 2008-ci ildən bəri ilk belə seriyadır. Hazırda “qırmızılar” 36 xalla 4-cü yerdədir və ən yaxın izləyiciləri “Mançester Yunayted” (35 xal) və “Çelsi” (34 xal)la fərq minimaldır. 2026-cı ildə keçirilən 5 oyundan yalnız biri – İngiltərə Kubokunda “Barnsli”yə qarşı matç qələbə ilə başa çatıb.
“Bernli” ilə oyundan sonra “Enfild”də yaşanan etirazlara komandanın kapitanı Vircil van Deyk də münasibət bildirib və azarkeşlərin narazılığını başa düşdüyünü deyib. Arne Slot isə bunu fit yox, məyusluq kimi dəyərləndirib və azarkeşlərin hisslərini anladığını vurğulayıb.
Mətbuatda yazılanlara görə, “Real Madrid”in Xabi Alonsonu istefaya göndərməsi Arne Slot üçün vəziyyəti daha da çətinləşdirib. İspan mütəxəssisin adı “Liverpul” daxil olmaqla bir neçə böyük klubla hallanır. Xabi Alonso futbolçu kimi “Liverpul”da 5 mövsüm keçirib və “Enfild”lə güclü bağlara malikdir. Onun “Real”dakı qısa müddətli uğursuzluğu isə reputasiyasına ciddi zərər vurmayıb.
“The Athletic”in yazdığına görə, “Liverpul” hər növbəti xal itkisi ilə birlikdə Xabi Alonso ilə bağlı söz-söhbətlər daha da güclənəcək. Arne Slot bu müzakirələri yalnız nəticələrlə susdura bilər.
Hazırda əsas məqsəd Çempionlar Liqasında 1/8 finala yüksəlməkdir.
Bu səbəbdən Arne Slotun mövsümün sonuna qədər vəzifəsində qalacağı gözlənilir. Lakin gələn mövsüm üçün eyni şeyi demək çətindir. Klub daxilində belə bir fikir formalaşıb ki, Xabi Alonso gec-tez “evinə” – “Enfild”ə qayıda bilər.
İkardi "İnter"ə qayıdır?
"Məqsədimiz “Barselona”ya qalib gəlmək deyil"
Rüfət Abdullazadənin komandasından heç-heçə
Güləşçilərimizdən 1 gümüş,1 bürünc medal
Qurban Qurbanov onları cəzalandıracaq? - Video
“Qəbələ” - “Qarabağ” matçından - Video
Nəriman Axundzadə yenə ehtiyatda qaldı
"Qarabağ" və "Zirə" xal itirdi
Şamaxıda vurulan 4 qol - Video
Toral qol ötürməsi verdi, "Bursaspor" qələbə qazandı
“Çelsi” “Mançester Yunayted”i xalsız yola saldı
“Aston Villa” onu məhkəməyə verə bilər
Ronaldodan “Qızıl top”la bağlı növbəti boykot qərarı
"Qəbələ" - "Qarabağ": Heyətlər
Venger Bakıdakı turnir haqda: “Hər kəs yarışa aşiq oldu"
Harri Keyn: “Hələ də baş verənləri tam dərk etməmişəm”
“Yuventus” Spalettinin əvəzləyicisini tapdı
"Araz-Naxçıvan" - "Zirə": Heyətlər açıqlandı
"Kəpəz"da ciddi itki
AFFA ilə klubların akademiya rəhbərləri arasında görüş
Portuqaliya milisinin üzvü 3 oyunluq cəzalandırıldı
Bu gün Milan derbisi var
