22:30
İtaliya nəhəngi "Yuventus" Kenan Yıldızdan sonra növbəti türkiyəli futbolçunu heyətinə qatıb.
QOL.az xəbər verir ki, Turin təmsilçisi C Seriyasında çıxış edən "Triestina" klubunun şərəfini qoruyan,Türkiyə U-19 millisinin üzvü Teoman Gündüzü transfer edib. Gənc futbolçu yeni klubu ilə 3 illik müqaviləyə imza atıb.
Bildirilir ki, Teoman da Kenan Yıldız kimi ilk mərhələdə "Yuventus"un gənclərdən ibarət komandasına qoşulacaq. O, burada nümayiş etdirəcəyi performansa əsasən gələcəkdə əsas komandada şans qazana bilər.
Qeyd edək ki, futbolçu bu mövsüm bütün turnirlərdə 19 oyuna çıxıb. O, bu görüşlərdə 6 qol və 4 məhsuldar ötürmə ilə yadda qalıb.
