21:23
“Karvan-Yevlax”ın baş məşqçisi Azər Həşimov Misli Premyer Liqasının 8-ci turunda səfərdə “Sumqayıt”a məğlub olduqları (1:4) matçı şərh edib.
QOL.az xəbər verir ki, mütəxəssis qarşılaşmadan sonra keçirilən mətbuat konfransında oyunu belə dəyərləndirib:
“Birinci hissə bərabərliklə başa çatdı – 1:1. Amma ikinci yarıda həm cərimə zərbəsindən, həm də penaltilərdən qollar buraxdıq. Üçüncü qol bizim üçün qırılma anı oldu. Nəticədə məğlubiyyət qaçılmaz idi. “Sumqayıt”ı qələbə münasibətilə təbrik edirəm. Qarşıda bizi “Turan Tovuz”la çətin oyun gözləyir. Əlimizdən gələnin ən yaxşısını edib xal qazanmağa çalışacağıq.”
Baş məşqçi növbəti oyunlar və komandanın durumu barədə də danışıb: “Yeni komandayıq. Bütün rəqiblərə qarşı sonadək mübarizə aparacağıq. Hər zaman demişəm, asanlıqla təslim olmuruq. Futboldur, vuruşursan, çalışırsan, amma bəzən uduzursan. Əsas odur ki, ruhdan düşməyək.”
Mütəxəssis komandasının çox asan qollar buraxmasına da münasibət bildirib: “Təxminən 70-80 faiz qolları standart vəziyyətlərdən buraxırıq. Bu, daha çox futbolçuların fərdi səhvləri ilə bağlıdır. Təhlillər aparırıq, amma bəzən boşluqlar qalır.”
Sonda Həşimov Yevlax şəhər stadionunun hazır olmamasının komandanın nəticələrinə təsir etdiyini də vurğulayıb: “Stadionumuz hazır olsaydı, yəqin ki, 5 yox, 10-11 xalımız olardı. Təəssüf ki, bu məsələ bizdən asılı deyil. Biz məşqçiyik, öz işimizə baxırıq.”
Premyer Liqa matçlarının tarixləri dəyişdirildi
Şəmkirdə vurulan 7 qol - Video
PSJ - "Bavariya" matçının heyətləri açıqlandı
Kurtua "El-Klassiko"ya hazırlaşır
FİFA-nı sülh mükafatını ləğv etməyə çağırdı
"Qalatasaray"ın hücumçusunu polisə şikayət etdilər
“Xankəndi” - “Qaradağ Lökbatan” matçından - Video
"Barselona" yenidən "Kamp Nou"nu tərk etməli olacaq
Rəhim Həsənov hakim qərarlarını təsdiqlədi - Video
