11.12.25
UEFA-nın klub yarışlarında 3-cü mərhələyə yekun vuruldu. Təəssüf ki, Azərbaycan təmsilçilərindən bu mərhələdə yarışan 3 klubdan 2-si - "Sabah" və "Araz Naxçıvan" (hər ikisi Konfrans Liqası) mübarizəni erkən başa vurdu, yalnız "Qarabağ" (Çempionlar Liqası) mərhələ adlayaraq "pley-off"a vəsiqə qazana bildi.
Qeyd edək ki, Azərbaycanın daha bir təmsilçisi - "Zirə" (Konfrans Liqası) isə elə mübarizəyə başladığı 2-ci mərhələdəcə uduzaraq yarışdan kənarda qalmışdı.
Bəs, 2025/26 mövsümündə avrokuboklara qatılan Azərbaycan klubları UEFA reytinqində Azərbaycana nə qədər xal qazandırıb?
QOL.az-ın xəbərinə görə, burada da ən yaxşı göstərici "Qarabağ"a məxsusdur. Ağdam klubu 4 oyunun hamısında qalib gəlib.
Qeyd edək ki, təsnifat mərhələsində 1 qələbəyə 1 xal, heç-heçəyə isə 0,500 xal verilir. Bu isə iştirakçı ölkənin komandaların sayına bölünür. Azərbaycan avrokuboklara 4 klubla qatıldığından xallar da 4 yerə bölünüb (qələbəyə 0,250, heç-heçəyə 0,125 xal).
Beləliklə, "Qarabağ" təsnifat mərhələsindəki 4 qələbəsi ilə Azərbaycana 1 xal qazandırıb.
Siyahıda sonrakı yeri "Sabah" tutur: 0,625 xal (2 qələbə, 1 heç-heçə).
Üçüncə pillədə "Araz Naxçıvan" qərarlaşıb: 0,375 (1 qələbə, 1 heç-heçə).
Ən azı xalı isə "Zirə" toplayıb - 0,125 (1-heç-heçə).
Bu mövsüm indiyə olan göstəriciyə əsasən, Azərbaycanın UEFA reytinqinə ümumən 2,125 xal əlavə olunub. 1 xalı "Qarabağ", 1,125 xalı isə digər 3 klub qazanıb.
Hazırda Azərbaycanın UEFA reytinqində 19,250 xalı var. Bu xallar son 5 mövsümdə qazanılan nəticələri əhatə edir. Bu göstərici ilə Azərbaycan UEFA reytinqində 28-ci yeri tutur. 29-cu yeri 18,375 xalla Bolqarıstan tutur. Azərbaycandan 1 pillə öndə - 27-ci yerdə olan Ukraynanın isə 19,725 xalı var.
Qeyd edək ki, "Qarabağ" bu mövsüm artıq ən azı Avropa Liqasının Liqa mərhələsində iştirakı təmin etdiyindən daha 4 xal qazanacaq ki, bu da 4 yerə bölünəcək (əlavə 1 xal). Bundan başqa təsnifat mərhələsindən fərqli olaraq, Çempionlar Liqası, Avropa Liqası və Konfrans Liqasının qrup mərhələlərində (Liqa mərhələsi) hər qələbəyə 2, heç-heçəyə isə 1 xal verilir.
"Bavariya" Noyeri itirdi
"Milan"da yeni müqavilə
Messinin rekordunu qırdı
Zubirin yubiley oyunu
“Arsenal” Bundesliqada çıxış edən qapıçı ilə maraqlanır
"Real" bəzi futbolçuları ilə sağollaşmağa hazırlaşır
İngiltərə klubunda yeni antirekord
“Qarabağ”dan möhtəşəm qələbə - Video
"Mançester Siti"dən inamlı qələbə, Haaland dubl etdi
Türkiyədə baş məşqçi klubu tərk edir
“Kadinin yoxluğu təsirsiz ötüşmür” - Qurban Qurbanov
Azərbaycanın dünya boksunda 8-ci qızılı
“Kəpəz” “Qəbələ”yə, “Qarabağ” “Araz-Naxçıvan”a qalib gəldi
