21:52
"Sabah"ın baş məşqçisi Valdas Dambrauskas UEFA Konfrans Liqasının 3-cü təsnifat mərhələsinin cavab görüşlərində keçiriləcək "Levski" (Bolqarıstan) ilə oyun haqda danışıb.
QOL.az xəbər verir ki, o, matçdan öncə təşkil olunan mətbuat konfransında heyətin sağlam olduğunu deyib:
"Sofiyadakı ağır oyundan sonra futbolçuların əzələlərində problemin, qıcıqlanmaların olması normaldır. Amma hazırda bütün oyunçularımız sabahkı matça hazırdır. Hamısı məşqlərdə əllərindən gələni edirlər. Komandada hamı sağlamdır. Sabah istədiyimiz heyəti görə biləcəyik".
Mütəxəssis sabahkı oyundan gözləntiləri haqda da danışıb: "İnanıram ki, hansı oyun üslubunu seçsək, bu, bizə qalibiyyət gətirəcək. Amma çox çətin olacaq. Çünki “Levski” yaxşı təşkilatlanmış komandadır. Qapısında birdən çox qol görməyib. Müdafiə cəhətdən həmişə fərqlənən komanda olub. Bilirsiniz ki, bu qarşılaşmada bizi heç-heçə qane etmir. Sabah risklər etməyə çalışacağıq. Hücum futbolu oynayaraq hesabı öz xeyrimizə çevirmək üçün səy göstərəcəyik".
Qeyd edək ki, "Sabah" - "Levski" matçı avqustun 14-də, saat 20:00-da “Bank Respublika Arena”da keçiriləcək. Masazır klubu ilk oyunda 0:1 hesabı ilə məğlub olmuşdu.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
