20:37
“Düşünürəm ki, taktiki baxımdan çox maraqlı oyun oldu. Biz bu oyuna planla gəlmişdik. Məğlub olmağımıza baxmayaraq, futbolçularımı yalnız tərifləyə bilərəm. Onlarla fəxr edirəm".
QOL.az xəbər verir ki, bu gün sözləri “Sabah”ın baş məşqçisi Valdas Dambrauskas Konfrans Liqasının 3-cü təsnifat mərhələsində səfərdə "Levski"yə uduzduqları ilk oyundan (0:1) sonra təşkil olunan mətbuat konfransında deyib.
Mütəxəssis bilirib ki, bu görüşdə daha yaxşı nəticə qazanmaqları mümkün idi: "Düşünürəm ki, uzun müddət “Levski”yə qarşı yaxşı mübarizə apardıq. Rəqib səviyyəli komandadır. Amma ilk hissədə oyuna bizim daha çox nəzarət etdiyimiz anlar da oldu. Bir az daha soyuqqanlı ola bilsəydik, daha yaxşı nəticə əldə edə bilərdik. İkinci hissədə isə, əlbəttə, rəqib baş məşqçisinin pressinqə qarşı bir həll tapacağını və bizim təzyiqimizi azaltmaq üçün yollar axtaracağını gözləyirdik. Elə də oldu. Xüsusən də oyunun 60-cı, 68-ci dəqiqələrinə qədər Everton Balla daha dərin oynadı və orada əlavə oyunçu üstünlüyü yaratdı. Biz həmin anda bir az kompaktlığımızı itirdik və “Levski” üstünlük qazandı. Amma bundan sonra biz də öz həll yollarımızı tapdıq. Oyunun bərabər səviyyədə davam etdiyini düşünürəm".
O, arenadakı atmosferdən də söz açıb: "Stadiondakı atmosfer möhtəşəm idi. Əlbəttə ki, azarkeşlərin dəstəyi ev sahibi komanda üçün böyük üstünlük idi. Düşünürəm ki, əgər stadionda bu atmosfer olmasaydı, fərqli nəticə qeydə alına bilərdi".
Valdas Dambrauskas yaratdıqları qol vəziyyətlərindən də danışıb: "İkinci hissədə bizim iki çox yaxşı qol imkanımız oldu. Təəssüf ki, onları reallaşdıra bilmədik. Amma bu, sadəcə ilk oyundur. 90 dəqiqə geridə qaldı və indi “Levski”ni gələn həftə Bakıda qarşılayacağıq”.
Qeyd edək ki, "Sabah"la "Levski" arasında cavab oyunu avqustun 14-ü Bakıda keçiriləcək.
Yamaldan Qaviyə dəstək
Debüt oyununda ağır zədə
"Real" üçün şad xəbər
İmamverdiyevin dublu, "Qaradağ Lökbatan"ın qələbəsi - Video
Qvardiola Xusanovu Uolkerlə müqayisə etdi
2-ci Liqada tura yekun vuruldu
“Benfika” “Qarabağ”a uduzanda…” - Mourinyodan açıqlama
“Qızıl top”dakı seçimə etiraz etdi
“Qarabağ”ın rəqibi: “Oturuşmuş heyətimiz yoxdur”
“Klubdan dedilər ki, dost-tanışlar da bilet alsınlar”
"Göstərdik ki, Azərbaycanda da futbol var" - Musa Qurbanlı
Serbiyalı oyunçu yenidən Azərbaycan klubunda
2-ci liqada oyunların saatı bilindi
Azərbaycan kubokunda oyunların vaxtı açıqlandı
"Dembele ilə rəqabət aparan yox idi"
Dünyanın ən bahalı futbol brendi açıqlandı
"Arsenal"ın yeni transferi zədələndi
5 il sonra PSJ-yə qalib gəldilər
İtaliya millisinin üzvü ilə yeni müqavilə imzalandı
“Azərbaycan hakimliyi ancaq geri gedir” - Felipe Santos
Qurban Qurbanov: "Bizim etdiyimiz xırda uğurdur"
Yamalın atasından "Qızıl top" seçiminə etiraz
