20:17
Naxçıvan Futbol Federasiyasının və Azərbaycan Futzal Federasiyasının prezidenti Zaur Axundov Misli Premyer Liqasının 32-ci turunda "Araz-Naxçıvan”ın “Səbail”lə oyunda (1:1) rəqibə qəsdən xal verdiyi barədə iddialara münasibət bildirib.
Z.Axundov hazırda “Araz-Naxçıvan”ın qeyri-rəsmi rəhbəridir.
QOL.az xəbər verir ki, o, "sosial şəbəkələrdə “Araz-Naxçıvan”ın “Səbail”ə qəsdən xal verdiyi barədə iddia səslənib. Həmin bu işin “vasitəçisi” kimi AFFA-nın sabiq baş katibi, hazırda FIFA-nın Üzv assosiasiyaların direktoru Elxan Məmmədovun adı çəkilir..." fikirlərinə cavab olaraq deyib:
"Elxan Məmmədov mənim dostumdur. Biz futboldan qabaq bir-birimizi tanımışıq. Amma Elxan Məmmədov mənə desin 1 xal verin, elə edin, belə edin - bunlar cəfəngiyyatdır, uşaq söhbətidir. Oyundan sonra paltardəyişmə otağında komandaya iradımı bildirdim. Futbolçuları da başa düşürəm, gücləri çatmadı. 45-ci, hətta deyərdim 35-ci dəqiqədən sonra “Araz-Naxçıvan” dayandı. Bu cür söhbətlər kiməsə də yapışsa, mənə yapışmaz. Heç kim mənə o göstərişi verə bilməz. Axırda uduza da bilərdik. “Səbail” çox gözəl futbol oynadı. Onlar üçün də çox vacib matç idi. “Araz-Naxçıvan” arxaya çəkiləndə yanımda əyləşənlərə dedim ki, “biz buradan heç-heçə ilə getsək, böyük şeydi”.
Z.Axundov Azərbaycan Premyer Liqasında danışılmış oyunlarla bağlı şübhələrə də münasibət bildirib. O “Araz-Naxçıvan”ın futbolçularından şübhələnmədiyini söyləyib:
"Yox. O vaxt “İnter”in məsələsi yəqin yadınızdadır. O məsələni mən açdım. Ukraynadan, Gürcüstandan pul vurulmuşdu. Öz klubumun içində bu işi açdım. Halbuki şəxsi münasibətim olan futbolçular idi. Mən olan yerdə elə şey ola bilməz. Üstəlik, komanda nəzarətdədir, bunun üçün öz metodlarım var. Bunu nə məşqçilər bilir, nə inzibati heyət. Mən olan yerdə bu cür şeylər qeyri-mümkündür. 10 faiz şübhəm olsa belə, həmin o futbolçu meydana çıxa bilməz. Bu mövsüm “Şamaxı”nın adı hallandı. Adil Nağıyevə simpatiyam olub, kim aldadıb onu yoldan çıxardı... İstənilən halda belə şeylər bağışlanmazdır".
“Mən sağ və salamatam”
FİFA-dan yeni qərar
Levandovski 150-yə çatdı
“Turan Tovuz”da ilk
Dördüncü uğursuz start
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər
FIFA və UEFA Laportanın açıqlamalarını mənfi qarşıladılar
"Real"ın oyunçusuna "qırmızı" verən hakim cəzalandırılacaq
"Yuventus" onu azad agent kimi transfer etmək istəyir
Azərbaycan klubundan ayrıldı, ölkəsinə yollandı
"Şamaxı" - "Karvan": Heyətlər açıqlandı
Alonso "Real"da 16 ildən sonra bunu bacardı
Mahirin adı yenə sifariş ərizəsində yoxdur
Millimiz Avropa çempionatında 3-cü yeri tutdu
