21:36
Azərbaycanlı futbolçu Amil Yunanov Albaniyanın “Byulis” klubuna keçidi haqda danışıb.
QOL.az saytına açıqlamasında 31 yaşlı hücumçu transferin bir günün içində gerçəkləşdiyini bildirib: “Menecer vasitəsilə mənlə əlaqə saxladılar. Zəng edib dedilər ki, məşqçi və rəhbərlik istəyir. Şərtlərimizi dedik. Gecə ilə razılıq əldə olundu. Sabahki gün bilet alındı, gəlib müqavilə imzaladım. Bir yerdə oynadığım albaniyalı futbolçular var idi, bir-ikisiylə danışığım oldu. Onlardan soruşdum, maraqlandım. Şükür ki, yaxşı oldu”.
A. Yunanov Superliqada çıxış edən yeni klubundakı hədəfləri haqda da danışıb: “Klubun hədəfi yüksək yerlər uğrunda mübarizə aparmaqdır. İlk dəfə olaraq legioner həyatı yaşayacam, mənim üçün də çox maraqlıdır. İnanıram ki, hər şey yaxşı olacaq. Burda da məqsədim daha yaxşı oynayıb, daha yaxşı yerlərə getməkdir”.
Qeyd edək ki, Amil Yunanov “Byulis” klubu ilə 2025-ci ilin iyununa qədər müqavilə imzalayıb. O, karyerası ərzində “Qəbələ”,”Keşlə”, “Sumqayıt” “Şamaxı”, “Səbail”, “Kəpəz”də çıxış edib.
Alleqri cəzalandırıldı
Yamal "Barselona"nın ÇL matçını da buraxacaq
"Liverpul"la "Mançester Siti" onu hədəflədilər
"Qarabağ" "Benfika" ilə oyuna bu heyətlə çıxır
Millimiz Moldovaya qalib gəldi
"Göygöl"dən qələbə, "Qaradağ Lökbatan"dan darmadağın
Məşqçisi olduğu ən yaxşı futbolçuları açıqladı
“Barselona” bəyanat yaydı
U-15 millimiz Monteneqro ilə heç-heçə etdi
