Ranqnik Polşa üzərində qələbədən danışdı

Ranqnik Polşa üzərində qələbədən danışdı
AVRO-2024 22 İyun 2024 / 00:42 1186
-  A +

Avstriya millisinin baş məşqçisi Ralf Ranqnik Avro-2024-ün qrup mərhələsinin 2-ci turunda Polşaya qalib gəldikləri matç (3:1) haqqında danışıb.

QOL.az UEFA-nın saytına istinadən xəbər verir ki, mütəxəssis qələbəni belə şərh edib: 

“İlk 20 dəqiqə yəqin ki, bizim üçün ideal idi. Biz həmin müddətdə daha bir qol vurmalı idik. Amma sonra sanki yolumuzu itirdik və topu itirməyə başladıq. Ona görə də ikinci hissədə bir neçə dəyişiklik etməli olduq. Bunu edən kimi oyunu tam nəzarət altında saxladıq.

İlk hissədəki uğursuzluğumuz təbii ki, psixoloji idi. Ola bilsin ki, ilk 20 dəqiqədən sonra matç çox asan oldu və biz düşünürdük ki, daha bir qol vura bilərik. Bəlkə də bu, təzyiqlə bağlı idi. Amma oyun səviyyəmiz aşağı düşdü. Bir neçə futbolçumuz öz səviyyəsindən aşağı çıxış etdi".

Daha çox


Son xəbərlər