Keyn Danimarka ilə heç-heçəni şərh etdi

Keyn Danimarka ilə heç-heçəni şərh etdi
AVRO-2024 21 İyun 2024 / 00:32 1817
-  A +

İngiltərə milli komandasının kapitanı Harri Keyn Avro-2024-ün ikinci turu çərçivəsində Danimarkaya qarşı keçirilən oyunu (1:1) şərh edib. 

QOL.az BBC Sport-a istinadən xəbər verir ki, 30 yaşlı hücumçu bildirib ki, komandası öz oyununu daha da yaxşılaşdıra bilər: 

“Turnirin startından öncə biz deyirdik ki, heç bir oyun asan keçməyəcək. Düşünürəm ki, Danimarka ilə matçda buna şahidlik etdik. Topla və topsuz oyunumuzu daha da yaxşılaşdıra bilərik. Biz qrupda liderik, lakin daha da yaxşısını bacararıq. Ola bilər ki, bugünkü nəticə İngiltərədə müəyyən söz-söhbətlərə və narazılıqlara yol açsın. Ötən Avropa çempionatında Şotlandiya ilə heç-heçədən sonra da eyni halla üzləşmişdik. Biz addım-addım pik formamıza çatacağıq”. 

Qeyd edək ki, 2 turdan sonra 4 xalı olan İngiltərə millisi qrupdakı son oyununda Sloveniya ilə üz-üzə gələcək. 

Daha çox


Son xəbərlər